هادي رياض ينتظر إنهاء الصفقة مع الأهلي بسبب المفاوضات المالية

الأهلي قريب من ضم هادي رياض، مدافع بتروجت، لتقوية صفوفه في الموسم الجديد، المفاوضات وصلت لمراحل متقدمة لكن في شوية تفاصيل لسه محتاجين يتفقوا عليها.

مصادرنا أكدت إن كل حاجة اتفقوا عليها، عدا نقطة واحدة، الأهلي عايز يدفع قيمة الصفقة على أقساط لكن بتروجت رافض وعايز الفلوس “كاش”.

الأهلي عرض إنه يدفع الصفقة على 3 أقساط خلال 3 شهور، لكن بتروجت متمسك بموقفه وعايز المبلغ كامل مرة واحدة، في جلسة قريبة بين مسؤولي الأهلي ورئيس بتروجت لحسم الأمور خاصة إن بتروجت ما عندوش مشكلة في رحيل هادي رياض.

موقف بتروجت النهائي من إتمام الاتفاق مع الأهلي

تواصلنا مع مصدر مسؤول في بتروجت، وأكد إنهم خلصوا الاتفاقات المالية مع الأهلي بخصوص رحيل هادي، كل اللي متبقي هو طريقة الدفع، ولو اتفقوا على ده هيعلنوا عن الصفقة بشكل رسمي.

تواجد هادي في تدريبات بتروجت

المصدر قال “مفيش بيراميدز، الاتفاق مع الأهلي خلاص، كل الموضوع في كيفية الدفع، هادي ملوش علاقة بالكشف الطبي لحد دلوقتي، هو موجود في التدريب بشكل طبيعي، كل حاجة مرهونة بكيفية سداد الفلوس، لو الأهلي اتفق معانا، اللاعب هينضم لملعب التتش”.

مصدر من بتروجت كشف إن الصفقة تمت لصالح الأهلي بعد مفاوضات طويلة، هادي كان عنده عروض كتير لكن اختار الانتقال للأهلي من البداية.

هيتم الإعلان عن تفاصيل الصفقة بعد ما يخلص الكشف الطبي ويوقع العقود بشكل رسمي، الأهلي بحسب مصادرنا هيصرف 40 مليون جنيه على الصفقة بعد ما كان الأهلي عرض 30 مليون وبتروجت طالبوا بـ 50 مليون، لكن في النهاية اتفقوا على 40 مليون لبيع هادي رياض.