الأهلي: محمد شريف في أفضل حالاته ونلعب كرة ممتعة

النادي الأهلي طمأن جماهيره بخصوص محمد شريف، مهاجم الفريق، بعد الشائعات اللي انتشرت عن رحيله في يناير 2026، وأكدوا إنه مستمر مع الفريق ولا نية لتركه.

الأهلي حقق فوز مهم على وادي دجلة بنتيجة 3-1 في المباراة اللي كانت على استاد القاهرة، ضمن الجولة الـ16 من الدوري الممتاز للموسم الحالي 2025-2026.

وليد صلاح الدين طمأن جمهور الأهلي بعد المباراة، وقال لقناة الأهلي إن محمد شريف موجود معانا، اللاعب في أفضل حالاته وكل الكلام عن رحيله على السوشيال ميديا مش صحيح، الأهلي محتاج كل نجومه وشريف لاعب عارف واجباته كويس، الأهلي بيقدم كرة حلوة الفترة دي، وكل اللي محتاجينه دعم الجماهير في المباريات الجاية علشان نفرحهم.

ثلاثية تعيد الهيبة.. محمد صلاح يشيد بأداء الأهلي أمام وادي دجلة

الكاتب الصحفي محمد صلاح احتفل بفوز الأهلي على وادي دجلة، بعد ما سجل المارد الأحمر 3 أهداف واستقبل هدف واحد.

صلاح كتب في تغريدة له على منصة إكس: “لما الأهلي يكون في مستواه، الفرحة بتعُم قلوب جماهيره، والهموم بتختفي قدام عرض كروي يليق بإسمه وتاريخه، والانتصار على وادي دجلة كان ثلاثية مقابل هدف”

وتابع صلاح: “دي مش مجرد نتيجة كبيرة، دي لوحة كاملة التفاصيل رسمها لاعبين فاهمين معنى الشعار اللي لابسينه، ولعبوا بروح تُجسّد طموحات جمهور لا يرى في الأهلي إلا القمة”

وأضاف: “وادي دجلة فريق عارف يلعب كرة حديثة وسريعة، وكسبوا الزمالك وتعادلوا مع بيراميدز، وفرضوا نفسهم في مركز متقدم في الدوري، لكن الأهلي لما يستعيد توازنه، المنافسة بتبقى صعبة عليهم”

وأردف الكاتب محمد صلاح: “الأهلي في لحظات تألقه مش بيلعب علشان يكسب بس، لكن علشان يُمتع جماهيره، ويوعدهم بفرحة متجددة، الفريق لما يكون في مستواه، الهيبة بتكون حاضرة، وكرة القدم بتكون كما يحبها عشاقها، جميلة وصادقة ومليانة حياة”