النهاردة الزمالك هيواجه بتروجيت في مباراة مهمة بالدوري المصري، والمدير الفني معتمد جمال حدد التشكيل اللي هيلعب بيه المباراة، والكل متشوق يشوف أداء الفريق الأبيض.
موعد مباراة الزمالك وبتروجيت
المباراة هتقام على استاد القاهرة الدولي، وتنطلق في الساعة خمسة مساءً، في إطار الجولة السادسة عشرة من الدوري الممتاز.
صبحي يحرس مرمى الزمالك أمام بتروجيت
مصدر من داخل الزمالك أكد إن معتمد جمال هيعتمد على الحارس محمد صبحي في مباراة النهاردة، بعد ما لعب محمد عواد في المباراة الماضية ضد المصري في كأس الكونفدرالية.
كمان المدير الفني بيفاضل بين سيف الدين الجزيري وعدي الدباغ لقيادة الهجوم في اللقاء.
التشكيل المتوقع للزمالك أمام بتروجيت
في حراسة المرمى: محمد صبحي
في خط الدفاع: عبدالرحيم إيشو – حسام عبد المجيد – محمود حمدي الونش – محمد إبراهيم
في خط الوسط: محمد شحاتة – نبيل عماد “دونجا” أو محمد السيد – محمد إسماعيل
في خط الهجوم: خوان بيزيرا – شيكو بانزا – سيف الدين الجزيري أو عدي الدباغ
ترتيب الزمالك
الزمالك داخل المباراة وهو في المركز الخامس بجدول الترتيب، معاه 22 نقطة من 12 مباراة، حقق فيها 6 انتصارات، وتعادل في 4، وخسر في 2.
الفريق الأبيض عايز يكسب النهاردة علشان يكمل في المنافسة على المراكز المتقدمة، ويدخل بقوة في سباق اللقب.
ترتيب بتروجت
أما بتروجيت فهو في المركز العاشر برصيد 19 نقطة، جمعهم من 14 مباراة، وحقق 4 انتصارات وتعادل في 7، وخسر 3 مباريات.
بتروجيت عايز يحقق نتيجة إيجابية أمام الزمالك علشان يحسن موقفه في الجدول.
القناة الناقلة لمباراة الزمالك وبتروجت
المباراة هتتذاع على قناة أون تايم سبورت 1، وهيكون فيه استوديو تحليلي قبل وبعد المباراة علشان يناقشوا أهم الأحداث والجوانب الفنية.
التعليقات