محمد مجدي أفشة، نجم الأهلي والمعار للاتحاد السكندري، كشف عن علاقته بزميله إمام عاشور ورأيه في العقوبة اللي اتعرض لها بسبب أزمة غلق هاتفه وعدم سفره مع الفريق إلى تنزانيا لمواجهة يانج أفريكانز.
مباراة الأهلي ويانج أفريكانز انتهت بالتعادل 1-1، في الجولة الرابعة من دوري أبطال أفريقيا للموسم الجاري.
أفشة قال في حوار مع برنامج “الكورة مع فايق”: “إمام غلط والأهلي عاقبه، بس المهم دلوقتي إنه يركز ويكون أحسن من الأول، المنافسة بينا؟ إمام مش واخد مكاني، ده رزقه، واللاعب ما لهش ذنب، والزعل يكون مع المدرب”.
وأضاف أفشة عن إمام عاشور: “لما وصل الأهلي، قلت له ملكش دعوة بيا، أنت بتلعب في الفريق، ولو عندي مشكلة هتكون مع المدير الفني مش معاك، فخليك في لعبك واستمتع”.
عمرو أديب: إمام عاشور دايمًا عامل دوشة والأهلي عنده العين الحمرا
عمرو أديب في برنامجه “الحكاية” على إم بي سي مصر، علق قائلًا: “إمام عاشور دايمًا عامل دوشة ومشاكل، والأهلي عنده العين الحمرا، وإمام شاف العين الحمرا”.
الإعلامي محمد طارق أضا انتقد بعض وسائل الإعلام، واعتبر إنهم “بيمارسوا الشماتة” في الأزمات الرياضية لأغراض شخصية، قائلًا: “في ناس ظهرت بعد أزمة إمام عاشور وكأنهم ضباع بشرية”، في إشارة للذين يحاولون إشعال الفتن بدل ما يقدموا الحقيقة.
وأكد أضا إن الناس فرحانة في الأذى، مستنكرًا ردود الأفعال اللي فيها شماتة، وبيّن إن الإعلام الرياضي لازم يركز على تقديم المعلومة بموضوعية بعيدًا عن المزايدات.
التعليقات