طارق السيد لاعب الزمالك، طلع في فيديو على فيسبوك وهاجم إدارة الأهلي، متهمهم بسرقة لاعبي وشعارات الزمالك، وأكد أن الزمالك محتاج يتماسك لأنه وصل للمركز الثاني في الدوري مع الكابتن معتمد جمال.
قال طارق: ظروف الزمالك صعبة، لكن الفريق قادر على تحقيق الانتصارات، وخمسة وخميسة في عين أي حد يتكلم على الزمالك، كأننا مش موجودين.
وأضاف: جملة الأهلي بمن حضر، أصلها من الزمالك، سرقتوها مننا، وسرقتوا كل حاجة، من لاعيبة لكلام وشعارات، بس مش هتقدروا تسرقوا كل حاجة.
على الجانب الآخر، تامر، صانع المحتوى الأهلاوي، رد على طارق السيد وعبّر عن استيائه قائلاً: لو شفت الشخصية دي في برنامج رياضي، هعمل بلوك للقناة وهقول للبرنامج إنه مسرح.
وتابع: لما لاعب سابق يتهم الأهلي وجمهوره بسرقة، ده كلام لازم يتحاسب عليه، ويجب أن يتوقف عن الظهور في أي وسيلة تواصل اجتماعي لأنه بيزرع التعصب.
واختتم كلامه: طارق معروف بكراهيته للأهلي، ودائمًا بيزرع الفتنة بين جمهور الأهلي والزمالك، وفيديوهاته كلها كده.
التعليقات