سيد سالم: حسام حسن مدرب مميز وحلمي طولان له مكانة كبيرة في التدريب

سيد سالم، لاعب الاتحاد السكندري السابق، أعلن إنهاء مسيرته الكروية في توقيت مناسب، خصوصًا إنه كان جزء من جيل مميز بدأ من 2010 وضم لاعبين كبار زي عصام الحضري ومحمد حمص.

وفي تصريحات خاصة لـ أحداث اليوم، قال سيد سالم: أول سنة مع الاتحاد كانت صعبة، الفريق كان بيصارع على الهبوط وكان الأداء مش مرضي للجمهور

وأضاف: تعاقدات الاتحاد السكندري الموسم ده هي الأفضل، والدليل إن الفريق حقق 6 نقاط، ورحيل محمد مصيلحي كان طبيعي إنه يسبب كبوة، لكن وجود محمد سلامة على رأس الإدارة بيخلي الأمور أفضل

وأشار إن السنة دي كانت الأصعب في تاريخ الاتحاد وكان له دور في بقاء الفريق في الدوري.

وأكد إن الاتحاد السكندري مهما حصل مش هينزل لأنه نادي عريق ويمتلك إدارة قوية زي محمد مصيلحي ومحمد سلامة.

وعبر عن حب الجماهير للنجاح زي أي جمهور آخر، وبيطمحوا في الفوز بالبطولات.

وأوضح إن جماهير الاتحاد في مكانة خاصة في قلبه وبيتمنا لهم التوفيق، وإن النادي هيستمر بمجلس إدارته وجماهيره.

وتحدث عن الإسماعيلي وازمته في القيد، مطالبًا بتدخل الدولة ورجال الأعمال لحل المشكلة.

وأشار إن السوشيال ميديا أثرت على الكرة بشكل كبير، وأصبح أي واحد يعرف يمرر الكرة بيعتبر لاعب.

وأكد إن جودة اللاعبين دلوقتي مختلفة عن 2010، ولازم نعتمد على الناشئين.

وضح إن الوضع الحالي مرتبط بالواسطة والأموال، في حين إن زمان كان اللاعب بياخد فلوس عشان يلعب بس.

وكشف عن نيته الدخول في مجال التدريب بعد إنهاء الرخص، وبيفكر يبدأ من الدرجات الأدنى زي ما بدأ كلاعب.

وأشار إن التحكيم في مصر مش ممكن نلومه بالكامل، لأن أي حد معرض للخطأ، وهو عمره ما اتكلم مع الحكام خلال فترة لعبه.

الزمالك 

وكشف إنه وقع عقود مع الزمالك في فترة مرتضى منصور وحصل على شيك بـ 600 ألف جنيه، لكن الصفقة ما اكتملتش بسبب رفض المهندس ماجد سامي.

وأشار لوجود مفاوضات مع وادي دجلة، لكن الأمور ما تمت بسبب عدم جدية الزمالك في الوقت ده.

وأكد إن عدم انضمامه للزمالك أثر عليه لأنه كان هيتيح له فرصة اللعب مع منتخب مصر.

حسام حسن وحلمي طولان 

وتحدث عن حلمي طولان وقراره بضم الظهير الأيسر لغزل المحلة بسبب نقص اللاعبين في المركز ده في مصر، موضحًا إن الأندية ممكن تستعين بلاعبين من الأندية الشعبية لتعويض النقص.

وقال إن حسام حسن عصبي داخل الملعب بس شخصيته بتختلف بره الملعب.

وأشار إنه تعامل معاه لما تولى تدريب الاتحاد بعد طلعت يوسف، وكان فيه مباراة مهمة في الكأس وسجل هدف بقدمه اليمنى ساهم في الفوز.

وأوضح إنه شارك في مراكز دفاعية متعددة، وحسام حسن أكد له اعتماده الكبير على إمكانياته رغم وجود محترفين كتير.

وانهى بأن أي لاعب يتواجد مع الأهلي والزمالك أكيد هيكون له فرصة الانضمام لمنتخب مصر.