النائب أحمد دياب، رئيس رابطة الأندية المصرية المحترفة، طمّن الجماهير إن الكرة المصرية لسه في المقدمة رغم التحديات اللي بتواجهها.
دياب قال في تصريحات لبرنامج “نمبر وان” مع الإعلامي محمد شبانة على قناة “CBC”: “الدوري المصري هو رقم واحد في الشرق الأوسط، والديربي المصري هو الأقوى مهما كانت الظروف” وده شيء يفرح كل مشجع
وأضاف: “فكرة إدارة الدوري عن طريق رابطة الأندية كانت متأخرة شوية، لكن انتخاب الرابطة في ظروف صعبة كان خطوة مهمة، خاصة بعد التأجيلات والتراكمات اللي حصلت في البطولات”
وأكد دياب إنه كان شريك مؤسس في نادي زد، وده كان سبب دخوله عالم كرة القدم، وكشف إنه تابع مباريات الدرجة الثانية ورصد مشكلات قطاع الناشئين، ومن هنا جات له فكرة الترشح لرئاسة الرابطة.
وأوضح إن فوزه في انتخابات الرابطة كان بالإجماع بسبب علاقته الجيدة مع مجالس إدارات الأندية، وإن لو الأندية مش واثقة إن الرابطة بتعمل لصالحها، ما كانوش انتخبوه بالإجماع، وده يدل على الثقة الكبيرة من الأندية فيهم.
وفيما يخص نظام المسابقة، قال: “بطولة الدوري هتستمر بنفس النظام خلال الموسمين الجايين، وعدد الأندية في الموسم المقبل هيكون 20 نادي، وبعدها هيرجع لـ 18 نادي في الموسم اللي بعده”
وأشار إن الموسم الماضي انتهى في مايو زي باقي دوريات العالم، وبدأنا الموسم الحالي بدري عشان نخلصه في نفس الموعد.
وكمل دياب إنه هدف الرابطة كان إنه يكون فيه جدول دوري منتظم، والحمد لله الموسم الماضي والحالي فيه دوري منتظم بيبدأ بدري وينتهي مع دوريات العالم، وده هيكون مفيد للفرق في المشاركات الأفريقية وللكرة المصرية بشكل عام.
التعليقات