النائب أحمد دياب، رئيس رابطة الأندية المصرية المحترفة، طمأن الجميع إن الدوري مستمر ومفيش أي نية لإلغائه هذا الموسم، مؤكدًا إن المنظومة شغالة بشكل منظم واحترافي.
دياب صرح في برنامج “نمبر وان” مع محمد شبانة على قناة “CBC” إن إدارة المسابقات في الرابطة شغالة بنظام واضح، وطه عزت بذل مجهود كبير السنة اللي فاتت والسنة دي، وأثبت إنه قد المسؤولية في إدارة المسابقات، وإنه مفيش تدخل بشري زي زمان، والعقوبات بتصدر بعد كل جولة مباشرة.
كمان أكد دياب إنه سمع بعض الأحاديث عن إمكانية إلغاء الدوري، وده كلام ملوش أي منطق، لأن معظم الإعلام الرياضي بيتكلم بعقلانية وبيسعى للصالح العام، لكن فيه قلة بس بتبحث عن الإثارة.
من ناحية تانية، وضح دياب إن حسام حسن مفيش طلب منه بإلغاء الدوري، وإزاي يطلب ده واللاعبين هيبعدوا عن المباريات، وده هيأثر سلبًا على جاهزيتهم، خصوصًا مع الاستعدادات لكأس العالم.
وفي نهاية تصريحاته، قال إن الهبوط لن يُلغى في نهاية الموسم، وإن مفيش مجال لاتخاذ قرار زي ده.
التعليقات