كشف الإعلامي محمد طارق أضا عن خطة الأهلي في الميركاتو الصيفي الجاي، حيث أشار خلال برنامج “الماتش” على قناة “صدى البلد” إن النادي بدأ يتحرك جدياً لدعم الفريق.
وأوضح أضا إن الأهلي فتح خطوط اتصال مباشرة عشان يحسم مصير الرباعي: حمدي فتحي، مصطفى محمد، محمد عبد المنعم، وإبراهيم عادل، سواء بإتمام التعاقد أو إنهاء الجدل سريعًا، خاصة إن كل لاعب منهم ارتبط اسمه بالأهلي قبل كده، لكن المفاوضات كانت بتتعطل
في نفس السياق، قال أضا إن حمدي فتحي مرحب بالعودة، لكن الموضوع محتاج تعويض مالي لأنه بياخد حوالي 1.8 مليون دولار في الخليج، وكمان عنده عرض من بيراميدز، وده بيخلي الأهلي أمام تحدي مالي كبير، ورغم كده، المفاوضات مشيت بشكل بطيء، وسيد عبد الحفيظ هو الأكثر دعمًا لعودته.
وعلى جانب آخر، مصطفى محمد عايز عقد مميز يناسب الفئة الأولى، زي عقد زيزو، وكمان نانت متمسكة بمقابل مالي كبير عشان توافق على رحيله، وده مأخر الصفقة حتى الآن لكن فيه رغبة قوية لحسم الموضوع قبل كأس العالم.
أما بالنسبة لمحمد عبد المنعم، فهو رحب بالعودة لو فرصته في أوروبا تعثرت، عنده عروض برة بيدرسها، والصفقة مرتبطة بتوصل الأهلي لاتفاق مع نيس الفرنسي، حيث إنه عايز يكمل تجربته الاحترافية لو الظروف سمحت.
وفيما يتعلق بإبراهيم عادل، المفاوضات معاه شهدت تقدم ملحوظ، وده بفضل العلاقة الطيبة بين الأهلي والجزيرة، الصفقة محتاجة تلبية بعض المطالب الفنية من النادي الإماراتي بجانب المقابل المالي، خصوصًا إن الجزيرة مهتم بعدد من لاعبي الأهلي.
التعليقات