الإعلامي أحمد شوبير كان له رأي مهم عن نادي سيراميكا كليوباترا، حيث أثنى على الاستقرار الفني والإداري اللي بيمر بيه الفريق، وكمان النتائج الممتازة اللي حققها في الدوري وكأس مصر.
شوبير يُثني على فريق سيراميكا كليوباترا
شوبير قال في برنامج “الناظر”: “اللي يفكر إن سيراميكا فريق صغير يكون غلطان، وعلي ماهر مش مدرب عادي، دا مدرب كبير وذكي جدًا”
كمل شوبير: “سيراميكا فريق قوي ومكمل في المنافسة، وعلي ماهر هو أفضل مدرب في مصر دلوقتي”
وأضاف: “كنت دايمًا بقول إن الراجل عنده قدرة على تغيير مجريات المباريات، حتى بعد ضياع ضربة جزاء، كان مصمم يهاجم ويكمل اللعبة”
واختتم شوبير: “سيراميكا سجل هدف تاني وضيع كمان فرص كتير، الفريق يستحق كل التقدير والاحترام، لأنهم بيلعبوا كورة حلوة”
التعليقات