أكد أوسكار رويز، رئيس لجنة الحكام في اتحاد الكرة المصري، إن جولته الحالية في محافظات الصعيد جزء من خطة لتطوير التحكيم في مصر، وتكملة للجولات اللي شافتها الإسكندرية وبورسعيد، بجانب جهود المحاضرين في محافظات تانية.
قال رويز: “احنا شغالين برؤية واضحة تعتمد على اللامركزية، نزلنا الإسكندرية وبورسعيد، والنهارده بنكمل في الصعيد، تطوير التحكيم لازم يشمل كل مكان في مصر، مش منطقة واحدة بس”
أضاف: “هدفنا هو تقييم الحكام على الأرض، عشان نعرف مستواهم الفني والبدني عن قرب، وكمان نعمل برامج تدريبية لكل حكم حسب احتياجاته، احنا مش بس بندور على التطوير، لكن كمان بنسعى لصنع جيل جديد من الحكام يقدر يمثل مصر في البطولات القارية والدولية”
وأشار رئيس لجنة الحكام إن المحاضرين الفنيين اتوزعوا على عدة محافظات لنقل أحدث التعديلات في قانون اللعبة، وكمان توحيد معايير التقييم، لأنه توحيد المعايير عنصر أساسي لنجاح المنظومة، وعشان كده حرصنا على تكثيف المحاضرات العملية والنظرية، وإجراء اختبارات بدنية دقيقة لضمان جاهزية الحكام.
اختتم رويز حديثه قائلاً: “الصعيد مليان طاقات واعدة، ودورنا إننا نكتشف هذه المواهب ونمنحها الفرصة، تطوير التحكيم في كل شبر من مصر هو استثمار مباشر في مستقبل الكرة المصرية”
التعليقات