تعليق معتمد جمال بعد فوز الزمالك على حرس الحدود

مباراة الزمالك وحرس الحدود كانت صعبة على الفريقين، خاصة في ظل أهمية اللقاء في مشوار الدوري.

قال معتمد جمال، المدير الفني للزمالك، بعد المباراة: “سنحت لنا فرص عديدة للتسجيل، وكمان حرس الحدود جابوا شوية فرص في الشوط الأول، لكن احنا صححنا أخطاءنا في الشوط الثاني، وعبد الله السعيد وأحمد فتوح ومحمد السيد كانوا في قمة أدائهم، وبنستعد لمباريات أصعب الفترة الجاية”

وأضاف: “فيه خطط بنحطها قبل كل مباراة، وأحمد فتوح في وسط الملعب مش قرار فجائي، اتكلمت معاه قبل المباراة عن مركزه الجديد، ووجوده في الجانب الأيمن كان عشان يكون قريب من المرمى”

وكمل معتمد: “بفضل أستنى بعد المباراة عشان اتكلم مع اللاعبين، وبلاش نتكلم عن التحكيم، كل مدرب عنده رأيه في الكرات، وفيه كرات كتير في وسط الملعب، بس ما كانتش مؤثرة على النتيجة”

وخلص معتمد جمال حديثه وقال: “الأنغولي شيكو بانزا اتصاب في العضلة الخلفية، والفريق هياخد راحة من التدريبات بكرة، وهنتابع حالته بعد الراحة ونشوف لو هيقدر يشارك في التدريبات”

الزمالك فاز على حرس الحدود بهدفين دون رد في المباراة اللي أقيمت على ستاد القاهرة الدولي، وده كان ضمن الجولة الثامنة عشر من الدوري الممتاز، وبكده رصيد الزمالك بقى 34 نقطة.