محامية أشرف حكيمي تكشف تفاصيل موقفه في قضية الاغتصاب

أشرف حكيمي، لاعب باريس سان جيرمان، متهم باغتصاب شابة في فبراير 2023، والموضوع دلوقتي في المحكمة بعد إحالة القضية.

فاني كولان، محامية حكيمي، أوضحت تفاصيل الموقف، وأكدت أنه مفيش أي دليل مادي يدينه.

وقالت كولان في تصريحات خاصة: القضية اتقدمت للمحكمة بناءً على شهادة واحدة فقط، والمرأة دي رفضت تتعاون في التحقيقات، وامتنعت عن الفحوصات الطبية وتحليل DNA، كمان رفضت تقديم اسم أي شاهد مهم، وظهر في خبرتين نفسيتين نقص في الوضوح وغياب أي أعراض صادمة

كمان أضافت: المحادثات اللي حاولت تخفيها مع صديقتها، اللي كانت بتخطط لاستغلال موكلي، بتوضح محاولة لإخفاء الأدلة عن القضاء، وإحنا مصممين على الحضور في المحاكمة عشان نحقق العدالة

وعن سبب إحالة القضية رغم عدم وجود دليل مادي، أكدت إن القرار اتخذ على أساس شهادة المدعية بس، وده مفيش فيه أي إثبات لذنب أشرف حكيمي أو تأكيد لإدانته.

وختمت حديثها: مفيش أي دليل مادي يثبت التهمة، وده السبب الرئيسي في تأكيد موقفنا القانوني