انتشر هاشتاج «جمهور الأهلي في ضهر الأهلي» بشكل كبير على منصات التواصل الاجتماعي، بعد دعم جماهير الأهلي لفريقها اللي بيخوض معركة قوية على الدوري ودوري أبطال إفريقيا.
الهاشتاج جاء في وقت حاسم، حيث تفاعل الآلاف من جمهور الأهلي، مؤكدين إن اللحظة دي بتتطلب تلاحم كبير للحفاظ على فرص الفريق في المنافسة، ويواصلوا المشوار نحو الألقاب، وأكد المشاركون في التغريدات على أهمية الحضور الجماهيري الكثيف في المباريات الجاية، لأن جمهور الأهلي هو دايمًا العمود الفقري لإنجازات النادي، والمدرجات كانت سبب في العديد من الانتصارات في أصعب المواقف، وساهمت في كتابة تاريخ البطولات.
الدماطي يوجه رسالة لجماهير الأهلي
في سياق متصل، كتب الدماطي عبر حسابه على فيسبوك:”هتكلم بصفتي مشجع أهلاوي قبل ما أكون عضو مجلس إدارة، وعارف إن ده ممكن يفتح لي أبواب، بس أنا مش بعرف أستخبى”
وتابع:”مهما كان عدم رضاك عن الإدارة أو الفريق، ده مش مبرر لضعف الحضور في مباريات حاسمة في الدوري، لو ده ظاهرة عامة ممكن أقول فقدان شغف أو مشاكل مع الجمهور”
وأضاف:”لكن لما يبقى الحضور كامل العدد في ماتشات إفريقيا وعدد قليل جدًا في مباريات الدوري، يبقى إيه السبب؟ هل بنوصل رسالة للاعبين إن الدوري مش مهم؟ مفيش أي مبرر منطقي للتفاوت ده، ومش حندفن راسنا في الرمل ونعمل مش واخدين بالنا، كل البطولات مهمة”
واستكمل:”التواجد الجماهيري ده لوحده بيحسن الأداء، وأنا على مدار عمري كنت دايمًا لازم أكون موجود في المدرج، لأن الفريق محتاجني عشان يكسب”
واختتم:”نقفل على نفسنا شهرين بس، نركز على حاجة واحدة، إننا نزق فرقتنا لقدام لحد آخر الموسم، نشجع ونروح الاستاد، ونسيب أي انتقادات على جنب دلوقتي لأن المهم الأهلي، الأهلي وبس، ياريت الناس المؤثرة تتبنى الاتجاه ده، كل حاجة لسة في إيدينا، وإن شاء الله ربنا حيكرمنا في الآخر”
التعليقات