الإنترنت بقى جزء أساسي من حياتنا اليومية، بيساعدنا في الشغل والدراسة والتواصل، لكن كتير من الناس بيشتكوا من ضعف الإشارة أو بطء السرعة في بيوتهم، في خطوات بسيطة ممكن تحسن الأداء من غير ما تدفع فلوس زيادة.
اختيار موقع ذكي للراوتر
أول خطوة هي مكان الراوتر، لو حطيت الراوتر في نص البيت وعلى ارتفاع مناسب، هيكون الإشارة أفضل، حاول تبعده عن الجدران السميكة والأجهزة الكهربائية اللي ممكن تعطل الإشارة.
تحديثات صغيرة.. نتائج كبيرة
كتير من الناس مش بتهتم بتحديث برنامج الراوتر، لكن التحديثات دي بتصلح الأخطاء وبتحسن السرعة وكمان بتزود الأمان ضد الاختراقات.
هل حان وقت تغيير الراوتر؟
الراوتر القديم ممكن يكون سبب في بطء الإنترنت، الأجهزة الحديثة اللي تدعم تقنيات زي Wi-Fi 6 بتوفر سرعات أعلى وبتتعامل مع عدد كبير من الأجهزة بشكل أفضل.
حل عملي للمنازل الكبيرة
في البيوت الكبيرة، الإشارة مش بتوصل لكل الأماكن، هنا تدخل موسعات الإشارة أو أنظمة «Mesh» اللي بتساعد في توفير تغطية قوية.
تنظيم الأجهزة المتصلة
كل جهاز متصل بالإنترنت بيستهلك السرعة، تقليل عدد الأجهزة أو إعطاء أولوية للأجهزة المهمة، زي الكمبيوتر أو جهاز الألعاب، ممكن يحسن الأداء بشكل ملحوظ.
السلكي أحيانًا أفضل
لما تكون بتلعب ألعاب إلكترونية أو بتنزل ملفات كبيرة، الاتصال السلكي بكابل الإيثرنت بيكون أفضل في السرعة والثبات.
انتبه لما يعمل في الخلفية
بعض التطبيقات بتستهلك الإنترنت من غير ما تحس، مراجعة البرامج المفتوحة وإيقاف الغير ضروري منها ممكن يوفر سرعة إضافية.
أمان الشبكة يحمي السرعة
كلمة مرور ضعيفة ممكن تخلي الغرباء يستخدموا الإنترنت وده يقلل السرعة، اختار كلمة مرور قوية وغيرّها بشكل دوري لحماية خصوصيتك.
عندما يكون الحل خارج المنزل
لو المشكلة مستمرة، ممكن يكون العطل من مزود الخدمة، التواصل معهم لمعرفة الأسباب أو تغيير الباقة قد يكون الحل النهائي.
بالخطوات البسيطة دي، ممكن تحول تجربة الإنترنت في البيت من مصدر إزعاج إلى اتصال سريع ومستقر يناسب احتياجاتك اليومية.
التعليقات