كشف الإعلامي أحمد شوبير عن تفاصيل جديدة بخصوص صفقات النادي الأهلي، وركز على اللاعب الأردني يزن النعيمات، وأثر إصابته الأخيرة على خطط الفريق، بالإضافة لأزمة عدد اللاعبين الأجانب.
قال شوبير في برنامجه الإذاعي إن الأهلي دائمًا لديه قصة مع التجديدات والصفقات، وكثير من الأسئلة بتجيله عن الموضوع ده، لكن حتى الآن مفيش جديد، غير إن الأهلي كان خلص كل حاجة مع يزن النعيمات.
وتابع: “لكن التوفيق ليه دور كبير، اللاعب تعرض لقطع في الرباط الصليبي في المباراة الأخيرة مع المنتخب السعودي، وده هيخليه يغيب موسم كامل، حاليًا إحنا في ديسمبر، وعودته المتوقعة هتكون في سبتمبر الجاي، يعني الموسم بالنسبة له انتهى”.
وأضاف: “الأهلي كان عايز يضم اللاعب للمشاركة في الأحداث اليوم الإفريقية وكأس العالم للأندية، لكن مع الإصابة، في تساؤلات حول إذا كان الأهلي هيتخلى عنه نهائيًا، والإجابة لأ”.
وأشار: “ممكن نقول إن الإصابة بقت عادية، بس المشكلة إنها بتحتاج وقت طويل للتعافي”. وشدد: “الأهلي ممكن يرجع يفكر في الصفقة بعدين، لكن في نفس الوقت مش قادر يتعاقد مع لاعب أجنبي جديد، لأن العدد مكتمل، والعدد محدود”.
واختتم: “علشان كده، الأهلي لسه بيدور على طريقة للتخلص من واحد من اللاعبين الأجانب عشان يقدر يتعاقد مع مهاجم أجنبي جديد”.
التعليقات