الكل مستني مباراة ريال مدريد اللي هتبدأ الساعة 10 مساءً بتوقيت القاهرة، لما يواجهوا ألافيس في الجولة 16 من الدوري الإسباني، على ملعب “ميندزوروتزا”.
نتائج سلبية لريال مدريد.
الفريق الملكي عايش فترة مش كويسة على مستوى النتائج، بعد ما كان متصدر الدوري بفارق 5 نقاط عن برشلونة، دلوقتي بقى متأخر عنه بفارق 7 نقاط قبل مواجهة ألافيس.
تذبذب محلي وصفعة أوروبية.
محليًا، الريال مش قادر يحقق نتائج جيدة، حيث حقق فوز وحيد في آخر 5 جولات، والانتصار ده كان على أتلتيك بيلباو في الجولة قبل الماضية.
ثلاث تعادلات وهزيمة قاسية.
بدأت النتائج السلبية بمباراة رايو فايكانو، اللي تعادلوا فيها بدون أهداف، بعدين تعادلوا بصعوبة مع إلتشي بهدفين لكل فريق، وفي مباراة تانية تعادلوا مع جيرونا بهدف لكل فريق، وبعد كده كانت الهزيمة القاسية من سيلتا فيجو في البرنابيو بهدفين بدون رد، وده زود الأوضاع سوءًا في النادي.
هزيمة أوروبية وموقف صادم لألونسو.
الميرنجي كمان تعرض لهزيمة تانية من مانشستر سيتي في دوري الأبطال، على أرضهم في البرنابيو، وده خلى الأمور تتعقد أكتر مع المدرب “تشافي ألونسو”.
شبح الإقالة يطارد تشافي ألونسو.
تشافي ألونسو المدير الفني لريال مدريد مهدد بالإقالة قبل مواجهة ألافيس، وممكن تكون المباراة دي هي الأخيرة ليه لو ما قدرش يحقق الفوز ويعيد الفريق لطريق الانتصارات.
عودة مبابي لتشكيل ريال مدريد.
من المتوقع أن يبدأ ريال مدريد المباراة بتشكيل كالتالي:
| حراسة المرمى: | تيبو كورتوا |
| خط الدفاع: | فالفيردي – اسينسيو – روديجر – هويسين |
| خط الوسط: | تشواميني – بيلينجهام – اردا جولر |
| خط الهجوم: | رودريجو – مبابي – فينسيوس |
التعليقات