أحمد شوبير، الإعلامي الرياضي المعروف، علق على موقف الفنان أحمد السقا من النجم محمد صلاح، وأكد أن السقا يستحق كل التقدير لما فعله في دعمه لصلاح.
كتب شوبير على تويتر: “فيه ناس شافت الموضوع بحب واستغراب وناس تانية سخرت منه، لكن السقا قرر يساند صلاح، وكتر خيره على جدعنته، وكان ممكن يكون الدعم ده من مسؤول كروي في مصر لكن محصلش”
شوبير بشأن دعم أحمد السقا لمحمد صلاح ”فيه ناس أخدت الأمر بحب واستغراب مثلي وناس سخرت منه، لكن السقا قرر إنه يساند صلاح فكتر خيره على جدعنته، كان ممكن تطلع من مسؤول كروي في مصر لكن محصلش” pic.twitter.com/s0lCOnvsy4
— Ahmed Shobier (@ShobierOfficial) December 14, 2025
بعد فيديو صلاح وتصريحاته عن خالد بن الوليد.. أحمد السقا يتصدر التريند
الفنان أحمد السقا خطف الأنظار الفترة الأخيرة بتصريحاته عن رغبته في تجسيد شخصية خالد بن الوليد، وكمان تعرض لانتقادات بعد دفاعه عن محمد صلاح، وهنا هنتكلم عن أغرب التصريحات اللي خلت الناس تتفاعل معاه.
أقرب واحد لخالد بن الوليد
في أحد اللقاءات، قال أحمد السقا إنه أقرب شخص بدنيًا لخالد بن الوليد، وده خلاه يشعر إنه الأنسب لتجسيد شخصيته، التصريح ده كان عفوي لكن أثار جدل كبير، بين مؤيد ومعارض، فبعض الناس شافوا إنه مش لازم نقارن شخصيات معاصرة بأبطال تاريخيين زي خالد بن الوليد، نظرًا لمكانته الكبيرة في التاريخ الإسلامي والعربي.
“أحمد السقا ميجا ستار”
قبل كده، انقسم الجمهور لما لقب السقا نفسه بأنه ميجا ستار، وده كان في فيديو كان بيقول فيه كلماته للدفاع عن محمد صلاح، وفي مداخلة هاتفية ببرنامج الحكاية، قال: “قولتها عادي لأننا بنتقدم قدامهم كده برا”
وأشار السقا إنه عمل الفيديو لدعم صلاح، وكشف إنه استخدم كلمات إنجليزية عشان يوضح للجمهور إن صلاح لاعب محترف، كمان لما قال كوتش كان قصده إنه كابتن، لأن صلاح بيوجه زمايله داخل الملعب.
التعليقات