أحمد حسن، مدير منتخب مصر، وضح في تصريحات مهمة عن وضع المنتخب بعد بطولة كأس العرب، ونفى أي خلافات مع جهاز المنتخب بقيادة حسام حسن وإبراهيم حسن.
خلال حديثه في برنامج “ملعب أون” على قناة “أون سبورت”، قال حسن: “مفيش أي خلاف مع حسام حسن، وكنا دايمًا بنتكلم سوا، هو عارف إن تحليلاتي موضوعية، وأنا عبرت عن رأيي بصراحة إن المنتخب في فترة معينة كان مش في أفضل حالاته، وهو كان متقبل الكلام ده”
وأضاف: “المشكلة ظهرت لما إبراهيم حسن اتكلم عني، وقال إني بتكلم بشكل مقصود، ورديت في البرنامج بشكل طبيعي، مش أكتر”
وتابع: “بعد الموقف ده مفيش تواصل بينا، لكن ده مش معناه إن فيه أزمة أو خلاف مستمر، لو كان فيه تنسيق أو جلسة نقاش من الأول، كنا ممكن نحل أي سوء تفاهم ونتجنب إن المنتخب يدفع ثمن عدم التنسيق”
وأشار إلى أهمية التعلم من الأخطاء، ونصح بضرورة الحديث بهدوء عن اللي حصل، لأن الموضوع في إيدينا، ونقدر نستفيد منه بشكل حقيقي.
كمل: “منتخب المغرب وصل للنهائي بالفريق الثاني، وده مش صدفة، لأن عندهم مدير فني شغال بنفس المنظومة بقاله 4 سنين، والأحداث اليوم اللي حققوها كانت بلاعبين محليين، 99٪ منهم لاعبين محليين، ليه ما نفكرش بنفس الفكرة؟”
وتحدث عن ضرورة وجود منتخب ثاني بتنسيق كامل مع المدير الفني للمنتخب الأول، عشان يبقى في استمرارية وبناء حقيقي.
وفي النهاية، تمنى التوفيق للكابتن حسام حسن والكابتن إبراهيم حسن في بطولة كأس أمم إفريقيا، وأكد إن الجميع هدفه إسعاد الناس والبلد، واعتذر لأي حد زعل أو حزن على أداء المنتخب في كأس العرب.
التعليقات