قال شادي زلطة، المتحدث الرسمي باسم وزارة التربية والتعليم، إن أي سلوكيات أو وقائع بتتبلغ داخل المدارس تعتبر تصرفات فردية، مشددًا على إن التعليم في مصر شغال وفق لوائح واضحة، وكمان فيه مجهودات كبيرة لضبط الأمور في الفترة الأخيرة تحت قيادة الوزير محمد عبد اللطيف.
وأوضح زلطة في مداخلة هاتفية، إن الوزارة بتتعامل بحزم مع أي واقعة من النوع ده، وبتتحرك بسرعة، وأكد إنه تم الإعلان مؤخرًا عن 18 إجراءً هيتطبقوا في المدارس، ومن ضمنهم زيادة الإشراف، تركيب كاميرات مراقبة، تنظيم دخول العاملين وأفراد الأمن، وكمان ضبط مواعيد تواجد الإدارات المدرسية قبل حضور الطلاب علشان ما يحصلش تكرار لأي أحداث مؤسفة.
التعليم: إجراءات حاسمة في مدارس النيل ووقف الطاقم الإداري بالكامل والتحقيق في الواقعة
وفيما يخص مدارس النيل، كشف زلطة إن الوزير قرر تشكيل لجنة متخصصة تحت إشرافه المباشر لتسلم وإدارة النظام التعليمي في المدارس بالكامل بعد الإبلاغ عن الواقعة، مع اتخاذ إجراءات قانونية ضد أي حد ثبت تقصيره، وأكد إنه تم وقف الطاقم الإداري بالكامل وإحالته للتحقيق، واللجنة تسلمت المدارس وملفاتها اليوم علشان تتجنب أي إهمال أو أخطاء في المستقبل.
التعليقات