إمام عاشور يوضح سبب بكائه قبل مواجهة مصر ونيجيريا

حقق منتخب مصر فوز مهم على نيجيريا في مباراة ودية انتهت 2-1، وده كان ضمن استعدادات الفريقين لكأس أمم إفريقيا، المباراة اتلعبت على ملعب استاد القاهرة الدولي.

إمام عاشور، لاعب وسط منتخب مصر، عبر عن مشاعره بعد المباراة، خصوصًا لحظة بكائه لما سمع النشيد الوطني، وقال في ستوري على إنستجرام: “الحمد لله الذي شفاني وعافاني ومن علي بنعمة الصحة بعد الابتلاء”

وأضاف: “ربنا من عليا بالشفاء بعد فترة غياب وإصابتين ورا بعض.. مرحلة كانت صعبة عليا أوي وكان ممكن مقدرش أرجع ألعب كورة تاني”

وتكلم إمام عن مشاعره أثناء السلام الوطني، وقال: “كل دا جه في بالي لحظة السلام الوطني لمنتخب بلدي اللي بفخر إني بمثلها.. ومش مستني أخد لقطة أو إدعاء لإن اللي عدي عليا كان صعب أوي، الحمد لله على نعمه.. واللي عنده عزيمة، دايمًا بيرجع أقوى”