أبو الدهب: كأس العرب أفضل من أمم إفريقيا والتأهل للمونديال ليس إنجازًا

محمود أبو الدهب نجم الأهلي السابق أكد إن بطولة كأس العرب اللي شغالة دلوقتي في قطر أقوى من كأس الأمم الإفريقية اللي هتكون في المغرب قريب.

وقال أبو الدهب خلال حديثه في برنامج البريمو مع الإعلامي محمد فاروق على قناة TeN إنه كان لازم الجهاز الفني للمنتخب بقيادة حسام حسن يشارك في كأس العرب، لأنها كانت فرصة ممتازة لتجهيز اللاعبين مع بعض قبل أمم إفريقيا، خصوصًا إن في لاعبين مهمين زي إمام عاشور اللي رجع من إصابة ويعتبر عنصر أساسي في الفريق.

وأضاف إن كأس العرب أفضل من أمم إفريقيا من ناحية المستوى الفني، وكمان الجوائز المالية كانت مغرية لو المنتخب وصل لمراحل متقدمة، على عكس أمم إفريقيا اللي فيها منتخبات مستواها مش عالي.

وفي النهاية، أكد إن التأهل لكأس العالم 2026 مش هيكون إنجاز كبير للفراعنة بعد زيادة عدد المنتخبات الإفريقية لـ 9، ومن الممكن كمان الكونغو الديمقراطية تتأهل عبر الملحق، وبكده هيكون عندنا 10 ممثلين للقارة السمراء في المونديال.