محمد أشرف روقا، لاعب الزمالك السابق، فتح النار على عبد الواحد السيد، مدير الكرة السابق، ومدرب الفريق السابق أيمن عبد العزيز، وده بعد ما اتكلم عن مستحقاته المتأخرة مع النادي بشكل واضح وصريح.
كتب روقا على إنستجرام: “ده أول مرة أعلق على موضوع وأذكر اسم حد، والكلام هنا موجه للكابتن عبد الواحد السيد”
وتابع: “أنت عارف قد إيه بحبك وبحترمك، بس البند اللي في عقدي اللي قلت إنه مش موجود، ملوش علاقة بالفسخ من طرف واحد، وبتقول إني شخص متربي، لا هو مش المفترض، أنا متربي كويس، ومش محتاج حد يقيّم تربيتى، وأنت عارف إني مش بكذب”
وأضاف: “أما كابتن أيمن عبد العزيز، بتقول إني جيت الزمالك من لا شيء، أنا مش مسؤولي إنك مش عارف حاجة، أنا لعبت أكتر من 100 ماتش قبل ما أجي الزمالك”
طالع أيضًا | خاص | عكس المتداول تمامًا.. الحقيقة الكاملة بشأن شكوى روقا ضد الزمالك أمام فيفا.
واصل روقا: “ربنا كرمني ولعبت مع منتخب أولمبي ومع كوبر، فمش جاي من لا شيء، وبعدين أنا مش بقدم حجج زي ما بتقول، وأنت عارف أنا مين وابن مين، ومش في الجو اللي بتتكلم فيه”
وأردف: “مش مستني حد يهاجم حد عشان أطلع أتكلم، أنت بتقول إني خدت فلوس 6 سنين، بس مش من سنة، ولا أنت مش عارف إني كنت أقعد فترات 5 و6 شهور من غير ما يدخل بيتي جنيه”
واختتم: “أما عن حوار جوميز، مش محتاج أتحجج، ربنا وحده يعلم إذا كنت بكذب أو صادق، فلا تطلع تقول أي كلام عني وأنت مش عارف حاجة، وركز في شغلك بدل ما كل فرقة تمسكها تفشل وتسيبها”
التعليقات