علق أحمد السيد، نجم الأهلي السابق، على فوز منتخب مصر على نيجيريا بهدفين مقابل هدف في مباراة ودية، وهذا ضمن استعدادات الفريق لبطولة كأس أمم إفريقيا 2025.
وقال السيد في تصريحات مع كريم رمزي لبرنامج “لعبة والتانية” على راديو “ميجا إف إم” إن منتخب مصر قدم أداء قوي والفوز ده يرفع معنويات اللاعبين قبل أمم إفريقيا.
وتابع إن عنده تفاؤل كبير بالمنتخب تحت قيادة حسام حسن لأنه مدرب عنده روح، وده شيء افتقدناه مع المدربين الأجانب، والمنتخب محتاج تكاتف ودعم من الجميع.
وأضاف: “خطأ الشناوي وارد، كل اللاعبين في العالم بيغلطوا، ومن يهاجم حسام حسن بيهاجم مصر مش المدرب، فكيف يتم الهجوم عليه قبل بطولة مهمة”
وواصل إن مفيش فريق صغير في إفريقيا دلوقتي، ودائمًا كنا بنعاني أمام المنتخبات الصغيرة، وألوم اتحاد الكرة على عدم التصدي للهجوم على حسام حسن، وحزين على اللي حصل في الفترة الأخيرة، ومش عايزين نكون زي منتخب الصومال.
وكشف إن حسام حسن بيتعرض لحملات ممنهجة، واللي بيقدمه مع منتخب مصر يستحق الإشادة، زي الصعود لكأس العالم من غير هزيمة والتأهل لنهائيات أمم إفريقيا.
التعليقات