وصف بيتر مور، المدير التنفيذي السابق لنادي ليفربول، رامي عباس، وكيل محمد صلاح، بأنه متوتر جدًا بعد الأزمة الأخيرة بين صلاح والمدرب آرني سلوت، مما زاد من الشكوك حول حالة اللاعب مع الفريق.
محمد صلاح بيواجه صعوبات كبيرة مع ليفربول هذا الموسم، وده ظهر في أداء الفريق المتذبذب، وفي الوقت نفسه، حصلت خلافات قوية بين صلاح والإدارة، مما دفعه للحديث بغضب بعد مباراة ليدز يونايتد في الدوري.
مور قال في تصريحات لموقع ليفربول: “رامي عباس وكيل صلاح عنده طباع حادة، وهو مو وكيله الأول بس، أعتقد أن صلاح محتاج يكون أكثر تواضع، والمهم دلوقتي هو إزاي هيقدر يعمل كده، وإزاي هيعبر عن مشاعره”
تابع: “الأهم من ده، لازم يجلس مع المدرب في جلسة خاصة ويناقش الأمور زي ما بنعمل مع أي موظف زعلان حاسس إنه اتعامل بشكل غير جيد، زي موظف شايف إن الشركة ظلمته”
اقرأ أيضًا | القائمة النهائية للمرشحين لجائزة أفضل مهاجم في العالم من “جلوب سوكر” 2025.. موقف محمد صلاح.
وأضاف: “حصلت حوادث كتير في الماضي، وكلاء اللاعبين كانوا بينقلوا لاعبيهم من نادي لنادي بسهولة، وفيه مثال مشهور لنيكولاس أنيلكا، كان لاعب جيد بس مش كتير من الأندية اللي ما لعبش فيها، وكان بياخد نسبة 15% في كل مرة ينتقل فيها”
وواصل: “في الحالة دي، رامي ذكي كفاية إنه يفهم، حسب التقارير، صلاح بياخد حوالي 400 ألف جنيه إسترليني في الأسبوع، ورامي هيحصل على جزء صغير من المبلغ ده، بس مش معتقد إنه بيقول دعونا نخرج من هنا عشان أخد كام مليون زيادة، لأن السعوديين أو أي حد تاني ممكن يشتري صلاح، مش أظن ده هو الهدف الأساسي”
التعليقات