ساندرو يتحدث عن مستقبل موهبة ريال مدريد ويشبهه بأجويرو والدوري الإنجليزي يناسبه

تحدث ساندرو، لاعب منتخب البرازيل ونادي توتنهام هوتسبير السابق، عن مستقبل إندريك موهبة ريال مدريد، وأكد إنه يشبه كثيرًا سيرجيو أجويرو، وده يخليه مناسب جدًا للدوري الإنجليزي الممتاز.

إندريك يعتبر من أبرز المواهب الشابة في ريال مدريد، لكنه مش بيشارك بشكل منتظم مع الفريق الملكي، واللاعب عنده 19 سنة وفيه قلق من عدم حصوله على فرص كافية.

وعلشان كده، إندريك اقترب من الانتقال على سبيل الإعارة لنادي أوليمبيك ليون حتى نهاية الموسم، وده عشان يحاول يحجز مكانه في منتخب البرازيل بكأس العالم الجاي في أمريكا وكندا والمكسيك.

لكن ساندرو شايف إن الدوري الإنجليزي هيكون أفضل لإندريك من اللعب في ليون، وده اللي قاله في تصريحات لموقع ”Tribalfootball”.

ساندرو قال: “إندريك محتاج يلعب، الانتقال للدوري الإنجليزي هيكون مفيد له، الكرة بتحتاج مباريات، مش ممكن تكون لاعب في ريال مدريد ومش تلعب، لازم تروح الدوري الإنجليزي! إنه أفضل دوري في العالم وهتحبه أكيد”

وأضاف ساندرو: “إندريك ممكن يكون سيرجيو أجويرو الجديد، قوي وسريع، وعنده القدرة على تحقيق إنجازات زي أجويرو، ربما أجويرو كان أنحف في البداية، لكن في شبه كبير، بس أرجوك متروحش لمانشستر سيتي”

ووجه ساندرو نصيحة لإندريك إنه يلعب لتوتنهام، وقال: “لازم يجي لتوتنهام، هنساعده وهو كمان هيساعدنا، لازم أكلمه وأعتقد إن ده هيكون جيد لإندريك، أي نادٍ في الدوري الإنجليزي، زي توتنهام، يضمن له اللعب في بيئة تساعده على التعبير عن نفسه ويكون سعيد، ده المكان المناسب له”

واختتم ساندرو: “لازم يستمتع باللحظة، لأنه في ريال مدريد، واحد من أكبر الفرق في العالم، بس مش جزء منه، مش هيكون سعيد، إندريك محتاج يكون جزء من الفريق ويلعب كرة القدم”