أشرف حكيمي، قائد منتخب المغرب ولاعب باريس سان جيرمان، أكد إنه جاهز للمشاركة في كأس الأمم الأفريقية 2025، ودي متمسك بتمثيل بلده في البطولة على أرضه رغم الإصابة اللي تعرض لها مؤخرًا.
حكيمي كان تعرض لالتواء قوي في كاحله الأيسر بعد تدخل عنيف من لويس دياز في مباراة باريس سان جيرمان وبايرن ميونخ بدوري أبطال أوروبا يوم 4 نوفمبر.
وخلال مؤتمر صحفي قبل مواجهة جزر القمر في بداية البطولة، حكيمي قال إنه رفض إجراء عملية جراحية وفضل إنه يتبع برنامج علاجي مكثف عشان يلحق بالبطولة.
وشدد على إن المشاركة الرابعة له في الكان مختلفة عن المرات السابقة، اللعب أمام الجمهور المغربي بيكون دافع كبير له لبذل كل جهده في الدفاع عن قميص المنتخب.
وأكد إن دوره مش بس في الملعب، لكنه كمان بيقود اللاعبين وبيحفزهم وبيسعى يخلق توازن بين الخبرة والشباب، وكمان شاف إن البطولة دي فرصة مش هتتكرر.
واختتم حديثه إنه مستعد يضحي بدوره الفردي عشان مصلحة الفريق، ومش عنده مشكلة يشارك لدقائق قليلة أو يغيب عن بعض المباريات لو ده في صالح المنتخب، والهدف النهائي هو تتويج المغرب باللقب.
نتائج قرعة كأس أمم أفريقيا
المجموعة الأولى: المغرب – مالي – زامبيا – جزر القمر
المجموعة الثانية: مصر – جنوب أفريقيا – أنغولا- زيمبابوي
المجموعة الثالثة: نيجيريا – تونس – أوغندا – تنزانيا
المجموعة الرابعة: السنغال – الكونغو الديمقراطية – بنين – بوتسوانا
المجموعة الخامسة: الجزائر – بوركينا فاسو – غينيا الاستوائية – السودان
المجموعة السادسة: ساحل العاج – الكاميرون – الغابون – موزمبيق
تفاصيل جوائز كأس الأمم الأفريقية 2025.. البطل يحصد 7 ملايين دولار
البطل هيحصل على 7 ملايين دولار.
الوصيف هيحصل على 4 ملايين دولار.
الفرق اللي هتوصل لنصف النهائي هتاخد 2.5 مليون دولار لكل منها.
الفرق اللي هتتأهل لربع النهائي هتاخد 1.3 مليون دولار.
الفرق اللي هتكون في ثمن النهائي هتاخد 800 ألف دولار.
صاحب المركز الثالث في المجموعة هيحصل على 700 ألف دولار.
وصاحب المركز الرابع في المجموعة هيحصل على 500 ألف دولار.
التعليقات