محمد أبو تريكة، نجم منتخب مصر السابق، كان له رأي واضح في قرار الكاف بتغيير مواعيد كأس الأمم الإفريقية لتكون كل 4 سنوات بدلاً من سنتين، مؤكدًا إن القرار ده مش في صالح الكرة الإفريقية.
أبو تريكة عبّر خلال تحليله عن استيائه من القرار، وأكد إن القارة الأفريقية لازم تدير بطولاتها بنفسها، وقال: “ليه كأس العرب كل سنتين، لكن إفريقيا مش كفاية عليها سنتين؟ خليها تدير نفسها”.
وأضاف إن مقارنة إفريقيا بأوروبا مش منطقية، لأن إفريقيا لها ظروفها ومشاكلها الخاصة، حيث أكد إن “مساحتها 3 أضعاف أوروبا، ومش ممكن نطبق نفس المعايير عليهم”.
في سياق آخر، أبو تريكة انتقد المدير الفني لليفربول، أرني سلوت، بعد ما قرر يفضل محمد صلاح على دكة البدلاء للمباراة الرابعة على التوالي، وبالفعل شارك صلاح في الشوط الأول بسبب إصابة جو جوميز.
ليفربول ضد برايتون
قال أبو تريكة: “صلاح حاسس إن سلوت مش مقدره، وكان بينهم علاقة كويسة، لكن سلوت دلوقتي بيستغل الوضع ليظهر إنه هو الرقم واحد في غرفة الملابس، وهذا بيدل على سوء إدارة الأزمة”.
ليفربول ضد برايتون
كمان أبو تريكة وضح إن غياب صلاح أثر على الفريق، وقال: “ليفربول مش قادر يجمع خطوطه، وده أسوأ بداية لفريق حامل اللقب، وعلينا أن نكون عادلين في تحميل المسؤولية لصلاح وحده”.
وطالب بتدخل إدارة ليفربول لحل الأزمة، مشيرًا إن صلاح محتاج يشعر بإن النادي متمسك بيه، خصوصًا إنه عايز يكمل عقده مع الفريق.
وفي نهاية كلامه، أكد أبو تريكة إن محمد صلاح هو أفضل لاعب في الدوري الإنجليزي في آخر عشر سنين، ولازم يكون التعامل معاه مختلف من حيث الاحترام والتقدير داخل الملعب، وده مش موجود دلوقتي مع سلوت.
التعليقات