علق عصام الحضري، مدرب حراس مرمى منتخب مصر الأسبق، على فرص الفراعنة في بطولة كأس أمم إفريقيا، وشارك رأيه في وضع الفريق تحت قيادة حسام حسن.
يلتقي منتخب مصر مع زيمبابوي اليوم الإثنين في الجولة الأولى من دور المجموعات بكأس أمم إفريقيا.
وقال الحضري في تصريحات تلفزيونية عبر قناة “أون سبورت”: “نحن في حدث كبير، مش بس إفريقي، العالم والعرب وإفريقيا كلها منتظرة البطولة، وشوفنا افتتاح كأس الأمم الإفريقية، وكان شيء ممتاز وبداية مشوار مميزة”
وتابع: “منتخب مصر في مجموعة صعبة، وأنا مكرر ده، لأنها تضم 3 منتخبات قوية، جنوب إفريقيا وأنجولا وزيمبابوي”
وواصل: “بدايتنا مع زيمبابوي مهمة جدًا، الثلاث نقاط في المباراة دي هتفرق معانا، وأي منتخب عايز يفوز بالبطولة لازم يفكر في الفوز، البطولة أمامه، ونلعب مباراة بمباراة”
وأكمل: “إن شاء الله كل التوفيق للجهاز الفني واللاعبين، وبخصوص حراسة المرمى، في الفترة الأخيرة كان في كلام كتير، ومش أول مرة يحصل، ومن رأيي محمد الشناوي هو الجاهز”
وأضاف: “الشناوي هو اللي يستحق يبدأ، والجهاز الفني له وجهة نظره، بس لو بتسألني، أنا أقولك، الخبرة عند الشناوي، وأنا أكثر حارس لعب أحداث اليوم، ونتمنى التوفيق لأي حارس يبدأ، لكن أتوقع 100% أن الشناوي هو اللي هيبدأ”
وعن رأي أساطير القارة الإفريقية في منتخب مصر، قال: “كنت موجود مع مجموعة من الأساطير زي الحاج ضيوف ويايا توريه وسونج، وكلهم يعرفون تاريخ منتخب مصر”
وتابع: “قد يكون في ناس مش عارفة أن منتخب مصر حصل على 7 أحداث اليوم، لكن اللي لعبوا أمامه يعرفون قيمته، وكلهم اتكلموا عن منتخب مصر كمنتخب قوي وشرس، ومرشح للبطولة”
وزاد: “كنت أتمنى كل اللاعبين يسمعوا الكلام ده من الأساطير، وكل الدعم للكابتن حسام والجهاز الفني، سمعت عن خلافات، لكن أعتقد ده مش موجود عند الكابتن حسام أو الجهاز”
واستطرد: “احنا بدأنا البطولة من المعسكر، مش بس النهاردة، ويا كابتن حسام، معاك مجموعة رائعة من اللاعبين، لديهم روح وحب كبير لبلدهم”
وأشار: “احنا دلوقتي بدأنا البطولة، وبعد 24 ساعة هنلعب أول مباراة، والتركيز لازم يكون على البطولة، مش مجرد مباراة واحدة”
وأتم: “أتمنى نحتفل بكرة بأول ثلاث نقاط أمام زيمبابوي، والمباراة مش سهلة، مفيش حاجة سهلة في إفريقيا، ونتمنى توفيق الله ودعوات جماهير مصر”
التعليقات