ساندرو روسيل، رئيس برشلونة السابق، أدلى بشهادته في قضية نيجريرا، وموضوع اتهام النادي بإرشاء الحكام، والموضوع بدأ يأخذ أبعاد أكبر مع تصريحات رئيس ريال مدريد، فلورنتينو بيريز، حول القضية.
بيريز دخل في صراع مع خوان لابورتا، رئيس برشلونة، ورفع القضية لوسائل الإعلام بشكل واضح، وفي سياق القضية، روسيل قال في تصريحات لصحيفة سبورت إن الاتهامات الموجهة لبرشلونة غير صحيحة.
وذكر روسيل إنه قابل نيجريرا لما كان نائب رئيس برشلونة في 2003، وأكد أن “المهمة الأساسية لمجلس الإدارة هي ضمان جاهزية كل الموظفين”.
وأضاف: “كمان إذا استخدموا الخدمة لاحقًا، ممكن نشتري وجبات لخمسة وخمسين لاعب، بس مش كلهم هيأكلوا، زي الصالات الرياضية، بنشتري ثلاثين جهاز، وممكن عشرة بس هما اللي يستخدموا”
روسل برضه ذكر إنه في بعض وجبات اتحاد الكرة، كان بيقابل ابن نيجريرا اللي كان بيقدم تقارير عن اللاعبين الشباب، وقال: “من السخيف الاعتقاد إن ممكن نشتري التحكيم بـ250 يورو للفرد، ده إهانة للمحكمين المحترفين”
وواصل: “في اللجنة الفنية للحكام، نيجريرا مكنش له تأثير يذكر، على مدار 70 سنة، القوة كانت في إيد الرئيس، وكلهم أعلنوا انتماءهم لريال مدريد”
روسل أضاف: “كان عندنا فريق عظيم، زي تشافي وإنييستا وميسي وبيكيه وجوردي ألبا، كلهم من لاماسيا، وده مؤلم جدًا، عشان كده فزنا”
واستكمل: “فزنا في إسبانيا بفضل لاعبينا، فين نيجريرا دلوقتي؟ بنسخر من بيب جوارديولا وفريقه، وكأننا ما فزناش بكل شيء في أوروبا، هل كان نيجريرا مسيطر على أوروبا كمان؟”
وفي النهاية، قال روسيل: “الأحكام اللي صدرت في السنين الأخيرة اتوقفت لعدم كفاية الأدلة، لكن دلوقتي الوضع مختلف، ممكن نرجع نشوف كل المباريات ونجيب خبراء تحليل تحكيم”
التعليقات