وائل القباني، نجم الزمالك ومنتخب مصر السابق، له رأي واضح في هدف منتخب زيمبابوي، وبيأكد إنه مش من العدل تحميل حسام عبد المجيد المسؤولية لوحده، والموضوع يتطلب نظرة أوسع على الخط الدفاعي كله.
قال القباني في تصريحات له ببرنامج “نمبر وان” مع محمد شبانة، إن ياسر إبراهيم كمان كان له دور في الهدف، لأنه وصل متأخر، وحسام كان مش قادر يلحق نفسه بعد ما اللاعب الزيمبابوي تخطاه. وبيشدد على إنه حسام لاعب صغير ولسه هيتعلم مع الوقت، ومش من العدل إنه يتحمل كل اللوم لوحده، خاصة مع أن الدفاع كله كان له دور في اللقطة.
وأضاف القباني إن من الصعب تقييم أداء المدافعين لأن المنتخب تعرض لفرصتين بس، واحدة جاب منها زيمبابوي الهدف، والثانية تصدى لها محمد الشناوي، لكن عنده علامات استفهام على مستوى الشناوي، لأنه كان باين عليه القلق والارتباك، خصوصًا إن المباراة ما كانتش فيها ضغوط كبيرة.
وكمان أشار القباني لعدم وجود انسجام بين ياسر إبراهيم وحسام عبد المجيد، ووجهة نظره إن الجهاز الفني كان لازم يدفع باللاعبين في خمس مباريات على الأقل عشان يكتسبوا الخبرة والانسجام المطلوب.
أما عن التبديلات، فكان عنده رأي في تغيير إمام عاشور، وقال إن كان الأفضل خروج حمدي فتحي، وده لأن اللعب بمروان عطية وحمدي فتحي سوا مش هيكون مفيد لأنهم بيلعبوا بنفس الأسلوب.
واختتم حديثه بالتأكيد على إن الاعتماد على أسماء معينة ممكن يضر بآخرين، وأكد إن مش لازم نلعب بتريزيجيه وعمر مرموش مع بعض في التشكيل، لأن ده ممكن يأثر على الأداء بشكل عام.
التعليقات