قال وزير التربية والتعليم محمد عبد اللطيف إن الدولة عندها خطة استراتيجية 2030، والجميع شغال على تنفيذها، وأشار إلى أنهم بيستخدموا طرق مختلفة لحل مشكلات زي الكثافة العالية أو نقص المعلمين.
كمان الوزير كشف إن كل الوزراء اللي سبقوه أدوا دورهم بشكل جيد، واللي بيحصل دلوقتي هو استكمال للسياسات الناجحة اللي اتبنت قبل كده، وأكد إن القرارات في الوزارة بتتخذ بشكل تصاعدي من خلال الاجتماعات مع المعلمين وبعدين مديري المدارس والإدارات والمديريات.
وزير التربية والتعليم: اجتمعت مع أكثر من 20 ألف مدير مدرسة وكل قراراتنا مدروسة
وأوضح عبد اللطيف إنه قابل أكتر من 20 ألف مدير مدرسة في اجتماعات مجمعة علشان يسمع آرائهم، وكمان مركز البحوث التربوية بيعمل دراسات، وبيرتبطوا مع المعلمين في الميدان علشان القرارات تتخذ بشكل جماعي.
وأكد وزير التعليم إن كل قرار اتاخد كان تنفيذه في الميدان أفضل من الخطط الموضوعة، وكل القرارات اللي اتخذت لمواجهة الكثافات ونقص المعلمين كانت مدروسة، وقال: “نتعامل مع 25 مليون طالب، ولا يصدر أي قرار بلا دراسة مستفيضة”
التعليقات