كشف الإعلامي أحمد شوبير عن تفاصيل جديدة تتعلق بمفاوضات النادي الأهلي لضم اللاعب حامد حمدان، وأوضح حقيقة الأخبار اللي انتشرت عن وجود تحركات رسمية، وكمان موقف اللاعب من ارتداء القميص الأحمر.
قال شوبير في تصريحاته عبر برنامجه الإذاعي اليوم الأربعاء: “الكلام اللي بنقوله من فترة هو نفسه بخصوص الأهلي وحامد حمدان، الأهلي تواصل فعلاً مع نادي بتروجيت، وده أكدته مصادر مسؤولة من داخل النادي، وأكدوا إن الأهلي سأل عن اللاعب، لكن لسه ما فيش عرض رسمي اتقدم”.
في نفس السياق، تابع شوبير: “الأهلي كان عايز يتأكد من موقف حامد حمدان، وأقولها لكم لأول مرة، اللاعب مرحب جدًا باللعب للنادي الأهلي، لكن الموضوع في الآخر مرتبط بالجانب المالي، لما سألنا مسؤولي نادي بيراميدز، قالوا إنهم مش هيدخلوا في مزاد، وأكدوا إنهم هيقدموا عرضهم فقط”.
على جانب آخر، أضاف شوبير: “ممكن حامد حمدان يكون عايز يلعب للأهلي، وممكن كمان عرض بيراميدز يكون أكبر من الناحية المالية، وبالتالي الأمور لسه مش واضحة”.
واختتم شوبير: “لكن الرغبة الحقيقية لحامد حمدان هي اللعب للنادي الأهلي، وأنا مسؤول عن الكلام ده، لكن في الآخر المفاوضات ممكن تاخد شكل مختلف، ومحدش عارف هتمشي إزاي في الفترة الجاية”.
التعليقات