دخلت البلوجر سلمى عبدالعظيم في دوامة من الانتقادات الحادة، بعد فترة قصيرة من إعلانها خلع الحجاب، حيث طالت الانتقادات شكلها الجديد، وبالأخص تسريحة شعرها الكيرلي.
سلمى فاجأت متابعيها بنشر صورة لها بدون حجاب على حسابها في إنستجرام، وكتبت تعليقًا غامضًا أثار الجدل: «حاولت جاهدة لحماية هذا الجزء مني.. واليوم أنا الذي لم يعد بإمكانه حمايته»، مما أدى إلى تدفق ردود أفعال غاضبة ومتناقضة
لكن الجدل لم يتوقف عند خلع الحجاب، بل زاد حدة بعد ظهورها بتسريحة شعر كيرلي، حيث تحولت التعليقات من النقد إلى السخرية، وكتب عدد من المتابعين تعليقات صادمة مثل: «إنتي كارتة يا حبيبتي مش كيرلي خالص»، و«اسمها كارتة والله»، و«يعني انتي قالعة الطرحة عشان تورينا الكارتة دي؟»
انتشرت هذه التعليقات بشكل كبير، لتصبح كلمة «كارتة» عنوان الهجوم على البلوجر.
زوج البلوجر سلمى عبد العظيم يدافع عنها بعد خلعها للحجاب
سبق أن علق علاء جمال، زوج سلمى، على قرارها بخلع الحجاب، مؤكدًا أنها لها الحق في اتخاذ ما تراه مناسبًا، وأنه لا يحق لأحد انتقادها أو مهاجمتها.
علّق علاء عبر صفحته على إنستجرام قائلًا: «في نقطتين هنحطّهم قدامنا عشان نكون واضحين، أولًا إن سلمى مش مبسوطة ولا راضية خالص عن الخطوة دي، ولا أنا أكيد، واللي حصل ده حرام ومش من دينها… نقطة ومن أول السطر، من امبارح حاسس الناس إنهم ماسكين مفاتيح الجنة والنار في إيديهم، وعاملين محكمة»
تابع علاء: «مافيش مشكلة إن الناس تزعل عشانها وعليها، بس الطبيعي إنكم تدعولها ربنا يردّها ليه، مش تقعدوا تجرّحوا فيها، هي لو غلطت… وده حرام، وبرضه اللي انتو بتعملوه ده حرام ومش من الدين، هي انتكاسة بس… وسلمى قوية ومؤمنة وقريبة من ربنا، وإن شاء الله هترجع وأحسن من الأول، فندعيلها، كلنا ماشيين بستر الله، ومحدش فينا أحسن من حد، ولو الستر اترفع من علينا مش هنعرف نمشي نبص لبعض، وأنا معاها وجنبها، وربنا يقدرنا على الابتلاء دا وترجع سلمى أحسن من الأول كمان، من عاب ابتُلى، ادعولها ادعولها كتير»
التعليقات