ميكا ريتشاردز، محلل “سكاي سبورتس”، وضح سبب دفاعه عن محمد صلاح، نجم ليفربول، بعد الهجوم اللي اتعرض له من جيمي كاراجر في الفترة الأخيرة.
محمد صلاح ولفربول بيمروا بموسم صعب، ومستوى الفريق مش على ما يرام، وكمان فيه خلافات كبيرة بين صلاح وإدارة النادي، واللي خلت صلاح يعبر عن غضبه بعد مباراة ليدز يونايتد في الدوري.
التصريحات دي جابت عليه انتقادات من لاعبين قدامى ومحللين في الإعلام الإنجليزي.
ومن ناحية تانية، حصلت مشادة كلامية بين كاراجر وريتشاردز بخصوص صلاح وتصريحاته الأخيرة.
ريتشارز قال في تصريحات لـ”ليفربول إيكو”: “لما تشوفوني مع كاراجر بنتكلم، ده مش معناه إن فيه قلة احترام بينا”
وأضاف: “الحديث معاه ممتع، لو كلنا متفقين مفيش حلاوة في النقاش، عشان كده مش عندي مشكلة في النقاش”
اقرأ أيضًا | سلوت عن أزمته مع محمد صلاح: انظروا ماذا فعلت.. وسنحيي ذكرى جوتا أمام ولفرهامبتون
وعن التواصل مع كاراجر بعد خطابه الطويل على “سكاي سبورتس”، قال: “لا، ده رأيه، والاختلاف في الآراء جزء من التحليل الرياضي”
كمان ريتشاردز أشار إلى إنه بسبب علاقته بصلاح كزميل سابق له، بيحاول يدافع عنه في بعض المواقف، بينما كاراجر، باعتباره أسطورة ليفربول، بيراعي مصلحة النادي أكثر لأنه كان جزء منه.
ويُذكر إن ريتشاردز وزامل صلاح في فيورنتينا عام 2014، لما كان صلاح معار من تشيلسي تحت قيادة مورينيو.
وأخيرا، ريتشاردز أكد إنه الاختلاف في الآراء شيء طبيعي، وهو يستمتع بوجوده.
التعليقات