كشف مصدر من النادي الأهلي إن المفاوضات مع برشلونة لضم حمزة عبدالكريم مستمرة، وأكد إن الأخبار اللي بتقول إن الأهلي طلب 5 مليون يورو دفعة واحدة مش صحيحة.
المصدر أوضح لموقع أحداث اليوم إن الأهلي متمسك بحقوقه وبيحط بنود تحمي مصالحه، زي مبلغ مالي في حالة تصعيد اللاعب للفريق الأول ومبلغ تاني لو سجل أهداف معينة، وكمان فيه بنود إضافية.
على جانب آخر، برشلونة مهتم بضم حمزة عبدالكريم لكنهم مش عايزين يحطوا البنود اللي الأهلي عايزها، وده اللي الأهلي رافضه، وكمان برشلونة عايزين يتعاملوا مع الأهلي كأنهم شريك في حالة انتقال اللاعب لنادي تاني بعد فترة الإعارة اللي طلبوها.
الأهلي بلغ برشلونة بكل البنود اللي عايزها في العقد، ومستنيين ردهم على الموضوع، لكن حتى الآن مسؤولي برشلونة ما أبلغوش الأهلي إن المفاوضات اتوقفت.
التعليقات