الإنترنت المنزلي بقى من الضروريات في كل بيت، وعلشان تشترك في الخدمة محتاج خط تليفون أرضي من شركة «WE»، ومش شرط تستخدمه في المكالمات، وده بيخلي الناس تدور على طريقة التقديم والمتطلبات.
خطوات التقديم على خط أرضي للإنترنت المنزلي
الشركة المصرية للاتصالات وضحت إن أول خطوة هي التقديم لخط أرضي جديد، وده ممكن تعمله من خلال الموقع الرسمي لـ«WE»، أو عبر تطبيق «My WE»، أو تروح لأقرب فرع للشركة وتقدم الطلب بنفسك.
الأوراق المطلوبة للتعاقد
الشركة حددت مجموعة مستندات لازمة للتعاقد، وهي:
| صورة سارية من بطاقة الرقم القومي (الوجهين) |
| مستند يثبت محل الإقامة، مثل عقد ملكية أو إيجار، أو إيصال مرافق حديث (كهرباء، مياه، غاز) بنفس عنوان التركيب |
والمصاريف المطلوبة لتعاقد الخط الأرضي هي 194 جنيه، ودي مش تشمل باقة الإنترنت أو أي رسوم إضافية زي الدمغة وضريبة القيمة المضافة.
خطوات طلب خدمة الإنترنت المنزلي
بعد ما تركب الخط الأرضي، تقدر تطلب خدمة الإنترنت من خلال:
الذهاب لأقرب فرع لشركة «WE»، واختيار باقة الإنترنت المناسبة لك، وتقديم المستندات المطلوبة زي صورة البطاقة الشخصية وإثبات السكن، وكمان صورة آخر فاتورة لخط أرضي سابق لو موجودة.
الشركة هتبدأ تفعيل الخدمة خلال 24 ساعة، وبعدها هتستلم جهاز الراوتر إما من الفرع أو عن طريق خدمة التوصيل للمنزل.
كمان الشركة بتوفر للمشتركين إمكانية إنشاء حساب على تطبيق «My WE» لمتابعة الاستهلاك وإدارة الخدمات، أو التواصل مع خدمة العملاء على الرقم 111.
التعليقات