علّق أحمد عبد الرؤوف، المدير الفني لنادي الزمالك، بعد الفوز على بلدية المحلة في كأس مصر، وفتح قلبه عن الأوضاع الصعبة اللي بيمر بها الفريق.
خاض الزمالك المباراة ضمن دور الـ32 من كأس مصر لموسم 2025-2026 على ملعب المقاولون العرب، ونجح في الفوز بهدف نظيف، وبالتالي تأهل لدور الستة عشر.
وقال عبد الرؤوف في المؤتمر الصحفي بعد المباراة: “الحمد لله على الفوز، مباريات الكأس دايمًا مليانة مفاجآت ولا تخضع لمقاييس ثابتة، وفريق البلدية له فضل كبير عليّ”
وأضاف: “إحنا بنمر بظروف صعبة جدًا، وبدأنا المباريات من غير مدافعين، والونش انضم لنا مؤخرًا، وعندنا غيابات كتير، وبنستكمل القائمة بصعوبة”
وتابع: “الأوضاع صعبة على كل المستويات، من الناحية المالية، واللاعبين صابرين تمامًا، لكن في النهاية اللاعب بيشيل هم مستحقاته”
وأوضح: “مافيش ظهير أيسر في قطاع الناشئين بالزمالك، ومفيش تعنت ضدهم، وفيه لاعبين مش أخدوا مستحقاتهم من 6 شهور، وإيشو مافيش بديل له”
وواصل: “بالنسبة بنتايج ظروفه مش واضحة بالنسبة لي، ومش أخد إجازة، ومن المفترض أنه فسخ تعاقده من طرف واحد”
وأشار: “مش عارف سبب الإصابات المتكررة لمحمود جهاد، وسنشوف طبيعة إصابته، بينما أحمد شريف بيقدم مستوى كويس، وحنحاول نحل أزمة المراكز ونعوض النقص”
وأتم: “أحمد حمدي مش هيلعب مع الفريق في الفترة الجاية، وده قراري الشخصي”
التعليقات