أشعلت هزيمة جنوب إفريقيا أمام مصر في الجولة الماضية من دور المجموعات لكأس أمم إفريقيا، التوتر بين المنتخبين، وكأننا أمام تنافس مثير بين الأهلي وماميلودي صن داونز، اللي اتقابلوا في دوري الأبطال أكتر من مرة في السنوات الأخيرة.
أكد تيبوهو موكوينا لاعب جنوب إفريقيا إنه متشوق لمواجهة جديدة مع منتخب مصر تحت قيادة المدرب حسام حسن.
جنوب إفريقيا خسرت أمام مصر بهدف نظيف في المباراة الثانية ضمن منافسات كأس أمم إفريقيا 2025 يوم الجمعة اللي فاتت.
المباراة شهدت مواقف تحكيمية مثيرة للجدل، منها ركلة الجزاء اللي احتسبت لمحمد صلاح، واللي سجلها بهدوء ومنح الفراعنة الفوز، ومن ناحية تانية، منتخب جنوب إفريقيا شعر بالظلم بعد رفض الحكم لمطالباتهم باحتساب ركلة جزاء بسبب لمسة يد داخل منطقة جزاء مصر قبل نهاية المباراة.
موكوينا أكد إن عندهم ثأر لازم يتصفي مع منتخب مصر في الأدوار الإقصائية، ومش ممكن يتقابلوا غير في المباراة النهائية مرة تانية.
قال موكوينا في تصريحات لشبكة “جول”: “هنواجه مصر في الأدوار الإقصائية عشان نصفي حساباتنا، الأمر لم ينته بعد، لازم نكسب المباراة الجاية ضد زيمبابوي، وهتبقى مباراة صعبة”
وأضاف: “عشان نفوز، محتاجين نبدأ بشكل قوي، مباراتنا ضد مصر ما كانتش جيدة، فمحتاجين نكون أقوياء يوم الإثنين أمام زيمبابوي”
من جهة تانية، تابانج ماتولودي، الظهير الأيمن، عبر عن صعوبة تقبل النتيجة بعد الهزيمة أمام مصر وقبل لقاء زيمبابوي: “كان صعب تقبل النتيجة لأننا كنا متوقعين الفوز أو على الأقل التعادل”
وأضاف: “الأمر صعب لكن مش قدامنا غير إننا نتقبل ونعمل على المباراة الجاية، وكان صعب نخرج بالهزيمة، لو رجعت للمباراة، هتلاقيها كانت متكافئة تمامًا”
وأوضح: “استقبلنا هدف قبل ثلاث دقائق من نهاية الشوط الأول، وكان من الأفضل لو انتهت بالتعادل السلبي عشان نخطط جيدًا للشوط الثاني، مش عاوز أعلق على قرار الفار، لأن قرار الحكم نهائي، لكن حسيت إننا كنا نستحق ركلة جزاء كمان”
واختتم: “لازم نحفز بعض للمباراة الجاية، الأمور لسه ما انتهتش، والمباراة دي ممكن تساعدنا على التأهل، أنا سعيد بوجودي في الفريق وبتعلم كتير، ومباراة الإثنين حاسمة لتأهل الفريق”
التعليقات