حسام عاشور، نجم الأهلي ومنتخب مصر السابق، أبدى رأيه في أداء منتخب مصر أمام أنجولا وأكد أنه كان فيه شغل كويس رغم التغييرات الكبيرة اللي عملها الجهاز الفني مع حسام حسن.
قال عاشور، خلال حديثه في برنامج «نمبر وان» مع محمد شبانة على قناة “CBC”، إنه كان يفضل لو حسام حسن غيّر خمسة لاعبين بس في المباراة، بدل ما يغير 11 لاعب مرة واحدة، وده كان هيكون أفضل عشان يحافظ على التوازن بين اللاعبين.
وأضاف إنه كان من الأفضل كمان مشاركة إمام عاشور عشان يكون جاهز للمرحلة الجاية، منتخب مصر كان لعب بشكل جيد وكان ممكن نحقق الفوز، لكن ضيعنا شوية فرص.
وفي نفس السياق، أشار عاشور لأهمية تصدر المنتخب للمجموعة، لكنه أكد إن مواجهة بنين الجاية هتكون صعبة رغم إن تصنيفهم مش سهل، وقال: «الأقرب مواجهة بنين وهو منتخب جيد وليس سهلاً»
وعن أداء مهند لاشين، عاشور أشاد بيه، مؤكدًا إنه قدم مباراة ممتازة قبل ما يتعرض للإصابة، ولفت إنه لاعب عنده مهارات جيدة في الاستلام والتسلم، وكان له دور فعال في التغطية خلف الدفاع.
التعليقات