برشلونة قرب من ضم حمزة عبد الكريم مهاجم الأهلي الشاب، بعد الأداء الرائع اللي قدمه مع منتخب الشباب في مونديال 2025 في قطر، والكل متشوق يعرف تفاصيل الصفقة.
مراسل Bein sports ينهي الجدل حول انتقال لاعب الأهلي لبرشلونة
باسل طبال مراسل Bein sports أكد إن برشلونة قدم عرض جديد للأهلي عشان يضم حمزة، وزود نسبة إعادة البيع لـ 15% بدل 10%، ومستنيين رد الأهلي على العرض.
حقيقة تجميد برشلونة للمفاوضات مع الأهلي لضم حمزة عبد الكريم
مصدر مسؤول من الأهلي نفى أي أخبار عن تجميد المفاوضات مع برشلونة، وقال إن الأمور ماشية والأهلي حريص على حقوقه ولا صحة لمطالب الأهلي ب5 مليون يورو دفعة واحدة.
المصدر أضاف إن الأهلي حاطط شروط لحماية حقوقه في اللاعب، منها مبلغ في حال تصعيده للفريق الأول ومكافآت عند تسجيله عدد معين من الأهداف، وكمان شروط تانية.
برشلونة عايز ضم حمزة، لكنهم مش عايزين يحطوا بنود معينة في العقد، والأهلي مش موافق على كده، بجانب إن برشلونة عايز يتعامل مع الأهلي كشريك بنسب معينة لو اللاعب انتقل لنادٍ تاني بعد فترة الإعارة اللي طلبوها.
الأهلي بلغ برشلونة بكل البنود اللي عايز يحطها في العقد، ومستنيين ردهم، لكن حتى الآن مسؤولي برشلونة ما قالوش إنهم قفلوا باب المفاوضات.
التعليقات