عصام مرعي، نجم الزمالك السابق، انتقد بشدة مجلس إدارة النادي برئاسة حسين لبيب بسبب الأزمات اللي بيمر بيها النادي في الفترة الحالية.
قال مرعي، في تصريحات لبرنامج “لعبة والتانية” مع كريم رمزي على راديو “ميجا إف إم”: “احنا في فترة صعبة جدًا في تاريخ الزمالك، والمجلس مش له دور والأمور بقت في يد شخص واحد وهو جون إدوارد”
وأضاف: “تجربة جون إدوارد فشلت ولازم تنتهي بسرعة، الزمالك مش حقل تجارب، وهو عارف ظروف النادي قبل ما يقبل المنصب، وعليه يقدم اعتذاره لو شاف إن مفيش إمكانيات متاحة له”
وتابع: “الصفقات الأخيرة قميص الزمالك تقيل عليهم، ولاعبين من (أبو قرشين)، الزمالك محتاج ثورة تصحيح، وفي رجال أعمال بيستفيدوا من النادي وبيحبوا يظهروا عكس أعضاء مجلس الأهلي”
وكشف مرعي: “مجلس الزمالك الحالي فشل في العديد من الملفات ولازم يقدموا استقالتهم، ومش وفوا بوعودهم، وفي علامات استفهام على إدارة الزمالك وأسلوب إدارتهم”
وواصل: “الزمالك بيمر بأسوأ فترات في تاريخه، والمجلس الحالي مش مهتم بمصلحة النادي، وفي وكلاء بيعملوا بيزنس داخل النادي، وعايزين أشخاص منتخبين من الجمعية العمومية”
واختتم مرعي: “الأهم دلوقتي هو توفير سيولة مالية لرفع إيقاف القيد وسداد مستحقات اللاعبين، والجمهور هو اللي بيدفع ثمن التدهور والأخطاء الكبيرة من مجلس الإدارة”
التعليقات