كشف هاني سعيد، المدير الرياضي لنادي بيراميدز، تفاصيل صفقة حامد حمدان، لاعب بتروجت، خلال فترة الانتقالات الشتوية الحالية، حيث أكد أن الصفقة تمت بناءً على احتياجات الفريق الفنية.
وقال هاني سعيد في برنامج «يا مساء الأنوار» مع مدحت شلبي عبر قناة MBC مصر 2: حامد حمدان هيكون معانا في التدريبات بعد عودة الفريق، وإحنا مش بنفاوض إلا مع اللاعبين اللي فعلاً محتاجينهم، وما عندناش لاعب زيادة عن الحاجة
وأضاف: كلمت المدير الرياضي لبتروجت من فترة، قبل ما يدخل الزمالك في المفاوضات، وحسمنا الصفقة بعد البطولة العربية، ورغبة اللاعب كانت واضحة في الانضمام لبيراميدز، وده سهل علينا إتمام الاتفاق
من ناحية تانية، بالنسبة للصفقات الأخرى، أوضح هاني سعيد أنه مش في بالهم التعاقد مع وسام أبو علي، ورغم إنه كان فيه حديث عن حمدي فتحي، لكن الصفقة لسه ما اتشالتش، ومش عارفين هيحصل إيه الأيام الجاية.
واختتم هاني سعيد تصريحاته بقوله إن عقد فيستون ماييلي ينتهي بنهاية الموسم، ولسه بنتفاوض معاه عشان يجدد، رغم إنه عنده عروض خارجية، لكن بيراميدز عنده سقف محدد للتعاقدات والرواتب، ونتمنى إنه يكمل معانا الفترة الجاية.
التعليقات