المدرب المساعد لمنتخب بنين نبيل الطرابلسي أكد إن مباراة مصر في دور الـ 16 من كأس الأمم الإفريقية هتكون صعبة جدًا، خصوصًا مع وجود نجوم زي صلاح ومرموش اللي بيخلوها مباراة مثيرة.
المباراة هتقام يوم الاثنين الجاي في الساعة 6 مساءً على ملعب أدرار في أغادير بالمغرب، وده في إطار دور الـ 16 من البطولة الإفريقية 2025.
الطرابلسي قال في تصريحات عبر زووم مع أحمد حسن في برنامج “الكابتن” على قناة DMC: “مصر فريق قوي ومواجهتهم صعبة، عندهم لاعبين مميزين زي محمد صلاح وعمر مرموش، وكمان سبعة لاعبين من الأهلي عندهم خبرات كبيرة في البطولات الإفريقية”
أضاف: “مديرهم الفني لاعب سابق فاز بالبطولة قبل كده، وعارف أدغال إفريقيا كويس، وعنده خبرة في إدارة المباريات، ونتمنى نعمل مباراة كويسة ضد الفراعنة”
وتحدث عن قائد الفريق، وقال: “الحديث عن إصابته مش صحيح، هو عنده شوية زكام بس، وبإذن الله هيكون موجود قبل المباراة بيوم وينضم للفريق”
واختتم: “درسنا منتخب مصر بشكل جيد وشوفنا مبارياته في دور المجموعات، تفوقوا على جنوب إفريقيا بـ 10 لاعبين، نحترمهم لكن مش بنخاف، وحابين نقدم مباراة تليق بالشعب البنيني”
التعليقات