كشف أحمد شوبير عن تفاصيل مهمة بخصوص تعاقدات الأهلي وموقف بعض اللاعبين من الصفقات التبادلية، حيث يبدو أن هناك حالة من الرفض داخل الفريق تجاه هذا النوع من الصفقات.
وقال شوبير في برنامجه: “هادي رياض مدافع بتروجيت كان اسمه مطروح بقوة في بداية الموسم، والآن عاد اسمه يتردد بشكل أكبر داخل الأهلي”
وتابع: “عمرو الجزار اسمه موجود أيضًا، لكن على الأهلي أن يحسم قراره، إذا كنت عايز هادي رياض، لازم تخلص الموضوع، مش معقول تقارن بينه وبين عمرو الجزار طول الوقت، اتخذ قرارًا واضحًا وأنهِ الملف، هذه وجهة نظري”
وأضاف: “في بعض اللاعبين داخل الأهلي مش موافقين على فكرة الصفقات التبادلية، دايمًا بيتم ذكر أسماء زي أفشة وأحمد عبد القادر وعمر كمال ومصطفى العش على أنهم هيروحوا لأندية تانية، لكن التفاصيل مش واضحة، ودا بيخلي الأمور مش مفهومة”
وأشار: “اللاعبون دول رافضين الموضوع، مش هيوافقوا على الصفقات التبادلية إلا لو الأمور كانت واضحة، أفشة وعمر كمال وأحمد عبد القادر، بالذات الأسماء دي، مش هيرضوا يخرجوا في صفقات تبادلية”
واستكمل: “لاعب زي أحمد عبد القادر عقده قرب يخلص، ليه يدخل في صفقة تبادلية؟ وأفشة عارف قيمته في الفريق، وعمر كمال عنده عرض من بيراميدز، ودا حقيقي، أما مصطفى العش فالأمور مش واضحة معاه، عشان كدا مش هيوافقوا على الصفقات التبادلية”
وشدد: “كرة القدم احترافية، أنا لعبت للأهلي وبذلت جهدي، لو عايزني أكمل أقول لك على الرحب والسعة، لو مش عايزني، اترك لي حرية اختيار وجهتي، ودا مش هيعمل أي مشكلة”
واختتم: “بعض الناس تلومني، لكني بقول الحقيقة، أنا حر وصاحب قرار، لو عايزني أكمل فدي أمنيتي، ولو مش عايزني، مش هتفرض عليّ وجهة معينة، هروح المكان اللي أريده، طالما مش عايزني، لكن لو عايزني هبقى موجود وأبذل جهدي، ودا لسان حال اللاعبين دلوقتي”
التعليقات