تستمر الشائعات حول مستقبل فينيسيوس جونيور مع ريال مدريد، حيث يعيش اللاعب البرازيلي فترة غموض بخصوص مستقبله مع النادي.
عقد فينيسيوس مع ريال مدريد ينتهي في يونيو 2027، ورغم ذلك مفيش أي اتفاق بين الطرفين لتجديد العقد حتى الآن.
الأمر ده خلّى الناس تتكلم عن إمكانية رحيله بنهاية الموسم الحالي، عشان النادي يستفيد ماليًا بدل ما يخسره بعدين.
ومش بس كده، العلاقة بين فينيسيوس والمدرب تشابي ألونسو متوترة، وده كان واضح في أكثر من مباراة، وأشهرها الكلاسيكو ضد برشلونة في أكتوبر.
في نفس السياق، صحيفة “موندو ديبورتيفو” الإسبانية، ذكرت إن تشيلسي الإنجليزي بيفكر في ضم فينيسيوس جونيور في الصيف الجاي، بعرض كبير.
العرض ممكن يكون حوالي 160 مليون يورو، وإدارة تشيلسي بتدرس الخطوة دي.
ريال مدريد لسه بيشوف فرص تجديد عقد فينيسيوس، واللاعب عنده استعداد للفكرة، لكن المفاوضات متعثرة، والريال أكد إنه لو مفيش أي تقدم في الصيف، هيفكر في بيعه.
المسؤولين في ريال مدريد مش مستعدين يستنوا لحد صيف 2027 عشان فينيسيوس يمشي من غير مقابل.
التعليقات