لاعب الأهلي يفتح الباب للرحيل في يناير

أكد الإعلامي أحمد شوبير إن الصفقات التبادلية لازم تكون برغبة اللاعب أولًا، وده مع وجود تطورات مهمة حول مستقبل لاعب الأهلي خلال فترة الانتقالات الشتوية الحالية.

قال شوبير في برنامجه الإذاعي: “أنا كنت واضح من قبل إن مسألة الصفقات التبادلية تعتمد على رغبة اللاعب، هو اللي يحدد إذا كان عايز يستمر أو يمشي، وفي الآخر ممكن يقول إنه عايز يلعب، وبالتالي مش منطقي إن حد يفرض عليه الانتقال لنادٍ معين من غير موافقته”

وعن محمد مجدي أفشة، أكد شوبير خبر أكيد 100% إنه اللاعب عنده استعداد للرحيل في يناير، بسبب رغبته في المشاركة، خاصة إنه حاسس إن المدير الفني مش مقتنع بقدراته، وده خلاه يفكر في الانتقال لفرصة أفضل.

بالنسبة للعروض، شوبير أشار إن العروض المتاحة حاليًا محلية، وفي ثلاث أندية مهتمة بالتعاقد مع أفشة، وهي سيراميكا كليوباترا، البنك الأهلي، والنادي المصري من بعيد.

واختتم شوبير تصريحاته وقال: “أفشة مرحب بفكرة الخروج على سبيل الإعارة، سواء لمدة ستة شهور أو عام ونصف، الأهم بالنسبة له هو اللعب، وهو أقرب لسيراميكا كليوباترا أو البنك الأهلي، لو الأهلي وافق على رحيله”