العالم دلوقتي بيدخل مرحلة جديدة في التعامل مع النفايات، وبدل ما نسأل عن طريقة التخلص منها، بقى السؤال إزاي نستخدمها بشكل أفضل. مع تزايد الاهتمام بالاستدامة، ظهرت مشاريع مبتكرة في إعادة التدوير، من الطباعة ثلاثية الأبعاد اللي بتحول البلاستيك لأثاث، للتعدين الحضري اللي بيستخرج المعادن من الأجهزة القديمة، وفي السطور الجاية هنتعرف على مجموعة من الأفكار المبتكرة.
1- الأثاث المطبوع من مخلفات البلاستيك
بدل ما نجمع البلاستيك ونبيعه كمواد خام، ممكن نستخدم طابعات ثلاثية الأبعاد لتحويل عبوات المنظفات والمشروبات لقطع أثاث زي مقاعد الحدائق وحاويات المهملات، بتصاميم فريدة يصعب تنفيذها بالخشب.
2- مشروع الذهب الأسود
المشروع ده بيستخدم يرقات ذبابة الجندي الأسود لتغذية على المخلفات العضوية، اليرقات بتتحول لبروتين حيواني عالي الجودة، وبتكون علف للدواجن والأسماك، والفضلات بتتحول لسماد عضوي ممتاز، ودورة سريعة بتحقق أرباح عالية.
3- بلاط الأرصفة من المطاط والمخلفات
إطارات السيارات والمخلفات الصلبة ممكن تتحول لبلاط أرصفة مرن، وبتضاف وحدات “بيزوإلكتريك” تحت البلاط في المناطق المزدحمة، بحيث تتحول خطوات المشاة لطاقة كهربائية تنير الشوارع.
4- منصة تداول النفايات الرقمية
الكثير من المصانع بتعاني من تراكم المخلفات الصلبة، لكن ممكن نستخدم تطبيق يعمل كبورصة للمخلفات، الشركات تعرض الفائض عندها، وشركات تانية تشتريه بأسعار أقل من المواد الخام الجديدة.
5- استخراج المعادن الثمينة من المناجم الحضرية
النفايات الإلكترونية مليانة ذهب وفضة ونحاس بكميات أعلى من المناجم، والفكرة هنا هي إنشاء وحدة متخصصة في التعدين الحضري لتفكيك الأجهزة القديمة واستعادة المعادن بطرق صديقة للبيئة.
التعليقات