أكد خالد جلال، المدرب السابق للزمالك، إن النادي في أزمة كبيرة على الصعيدين الفني والإداري، وأكد إن التمسك بمدرب أجنبي في الظروف الحالية مش الحل الأمثل، وطالب بضرورة إعادة النظر في الجهاز الفني ومنح الثقة للكفاءات القادرة على إدارة الفريق.
وقال جلال خلال حديثه في برنامج “اللعيب” على قناة “mbc masr”: “الزمالك بيمر بأسوأ فترة تاريخية، هل نقدر نجيب مدرب أجنبي جديد دلوقتي؟”.
وتابع: “ليه ما ندّيش صلاحيات لمعتمد جمال، وكمان أحمد عبد الرؤوف، اللي هو أصغر منه، لأنه قدم مستوى جيد. في مدربين كتير أخدوا فرصتهم، ليه نتمسك بالمدرب الأجنبي مع إن إمكانيات النادي مش متاحة؟”.
وأضاف: “عماد النحاس في الأهلي حقق بطولة الدوري، وبعد كده جابوا مدربين أجانب، زي ريبيرو اللي ما نجحش مع الأهلي، وتورب مش مقتنعين بيه فنيًا”.
واختتم كلامه: “لازم نتعاقد مع مدرب أجنبي قوي ومناسب، زي فيريرا أو جوزيه في الأهلي”.
التعليقات