بيب جوارديولا، مدرب مانشستر سيتي، عقد مؤتمر صحفي للحديث عن مواجهة إكستر سيتي غداً في الدور الثالث من كأس الاتحاد الإنجليزي، وتفاصيل أخرى تخص الفريق والصفقات الجديدة.
في بداية المؤتمر، جوارديولا اتكلم عن التعاقد مع أنطوان سيمينيو من بورنموث، وذكر: “قدم أداء مميز مع الفريق، وبيقدر يلعب على الجانبين الأيمن والأيسر”
وأضاف: “يستخدم قدميه بشكل ممتاز، وسريع في مركز المهاجم، وعارف الدوري الإنجليزي كويس، كان فيه أندية كثيرة عاوزاه، لكن اختارنا، أنا سعيد جداً بالسنوات الجاية، تابعنا سيمينيو لفترة طويلة”
وتحدث عن وضع الهجوم في مركز الجناح، وقال: “عندنا ثلاثة لاعبين مميزين وهم أوسكار بوب وسافيو ودوكو، كنا محتاجين نضخم الفريق للسنوات الجاية، لذلك النادي بذل مجهود كبير لضم سيمينيو، عمره 26 سنة وأفضل سنواته لسه جايه”
وأكد جوارديولا أن سيمينيو هيكون في قائمة مانشستر سيتي ضد إكستر: “مش عارف إذا كان هيبدأ أساسي ولا لأ، لكن أكيد هيكون موجود، اللاعبين مش كثيرين، وهيتأقلم بسرعة لأن المجموعة ممتازة، النادي في حالة جيدة”
وسئل عن إمكانية إجراء صفقات جديدة في يناير، قال: “مش عارف، مش قادر أجاوب على السؤال ده”
واختتم بيب حديثه عن أكاديمية مانشستر سيتي: “بتشتغل بشكل ممتاز، وكل أوروبا بتراقبنا”
وعن مواجهة إكستر، وضح: “لما جيت هنا قبل عشر سنين، كنا بنلعب ضد فرق من الدرجات الأدنى، دلوقتي الفرق بتتطور وبتلعب بشكل رائع، شفت أداء إكستر ضد هدرسفيلد وكارديف في آخر مباراتين، وده مش كان موجود قبل كده، لازم نحترمهم، وأفضل طريقة للاحترام هي من خلال طريقة اللعب والدفاع والضغط”
وذكر أن أوسكار بوب مصاب: “ما تدربش معانا منذ مباراة برينتفورد وكأس كاراباو”
وتحدث عن مباراة نوتينجهام فورست: “المباراة دي كانت أسوأ بكتير من مستوياتنا ضد سندرلاند وتشيلسي وبرايتون، حاولنا كتير لكن ما لقيناش طريقة للفوز”
وفيما يخص سباق الدوري الإنجليزي: “ما زال فيه 51 نقطة للتنافس، الفارق ست نقاط بس، كل شيء مفتوح”
التعليقات